سيدة سعودية تحول التاكسي إلى غرفة نوم...!!!!!

[البحتري]

تحية عطرة :





العجيب في الموضوع أنهم يهجمون على(( المسائل الشرعية )) ثم لا يريدون منا الاستدلال


بالنصوص الشرعية هذه واحده .



ثانيا :

هذه المقالة للمدعوه سمر المقرن تذكرني بروايات نجيب محفوظ وإن كانت لا ترقى الى


المستوى الفني الذي يتمتع به نجيب و الى قدرة نجيب على دس السم بالعسل .



ثالثا : هذه المقالة هي حكاية من الخيال تسير على طريقة ( الرمز )


وعند تحليل تلك الحكاية تخرج لنا هذه الرموز :


1- مسألة : السفر بدون محرم بين المناطق البعيدة في السعوديه .


2- مسألة : الأبتعاث الى الخارج و المقصد هو السفر الى الخارج .


3- مسألة : المبيت في الفندق و بدون محرم .


4- أختيار شخصية الهندي ومالها من أبعاد .


5- وصف الانظمة بقلة الإنسانيه وهذا الوصف طعن في الشريعة .


6- التهكم بالاصوات التي تجهر (( بمكانة المرأة السعودية )) .


7- مسألة : ذهاب المرأة الى المطعم بدون محرم .


8 - وصف الرجل القائم على أمور أهله ومحارمه بالمسكين الذي يتحمل الضيم والأسى والذي

لا تغمض له عين ولا يهدأ له بال حتى يواري محارمه في التراب !!



9- مسألة : ولاية المرأه لنفسها . وذهاب الاب الى المحكمه وهي قصة واضح جدا انها مخترعه .


10 - وصف المرأه بأنها كائن مستقل .


11 - الكشف عن سبب أختيار شخصية الهندي !!

وذلك بالمطالبه :


1- بحقوق المرأه في حكم البلاد .

2- توزير المرأه .

3- توليها منصب قاضي .





رابعا : الحلول المقترحه في القصه المختلقه :


1- أنشاء صناديق من حديد في الشوارع و المطارات .



2- شراء سيارات عائلية للنوم في الشوارع .








خامسا : كل ما سبق من مسائل قد (( عولج )) بطريقة (( القصة المختلقه )) وهذه الكاتبه تحاول ان

تسير على طريقة الادب الرمزي لكن لم تتقن هذا النوع من الرمزيه ربما للحماسة المتوقده في

نفسها و التي تدفعها دفعا للهروب من المجتمع .





أخي الفاضل / عبد العزيز السالم هذا عرض ملخص للمسائل التي طرحت في ذلك الموضوع


والى الان لم أبدأ في مناقشة كل قول على حده !!




س . فهل انت موافق لسمر مقرن أم انك تقصد مسائل أخرى ؟؟




بنتظار ردك



دمت بخير

[صالح العرجان]

صاحب هذا المتصفح العامر


اطال الله عمرك وبارك لك فيه !

عبدالعزيز السالم

دعني اقف واياك على حد سواء ان اول من كفل للمراءه حقوقها وحريتها ديننا القيم !

دين قيم يدعو الى مكارم الاخلاق !


نقطه نظام ؟!

العلمانيه ارتبطت ارتباط كبير بالمراءه في مجتمعاتنا العربيه (( شي يدعو للعجب )) ؟!


تدري ليش ان اقولك ؟!

العلمــــانيـــــة:
فكر غربي يدعو إلى إقامة الحياة على أسس العلم الوضعي والعقل بعيدا عن الدين الذي يتم فصله عن الدولة وحياة المجتمع وحبسه في ضمير الفرد ولا يصرح بالتعبير عنه إلا في أضيق الحدود ...

تعليقي : أول خطوات التوجه العلماني هو التوجه الفلسفي وكثرة القراءة في علم الفلسفة




انظر الى ما ترمي اليه هذه الحركه الفكريه (( الضاله )) وانظر الى ما ربطناه بها من تفسير اقتصر على المراءه!


الم يبقى لنا (( كمسلمين ؟! )) هوية انتماء للاسلام سواء النساء !

مع العلم انه حالنا في خارج اوطاننا يرثى لها اشد الرثاء بل ازداد الامر الى ان وصل اطراف البلاد !

اتمنى ان لا ينطبق علينا المقولة (( باب النجار مخلوع ))؟!



بالعاميه ؟!

يجوز لي حل الامور بهذه اللهجه .

بس ابي اهل الافكار العلمانيه (( علم نهيه )) مصطلح قايله اخوك يعني ردوه عني ؟!

امي الله لا يخليني منها سيرت علي هاك النهار بالجبيل ابطيت ما جيتهم لظروف العمل

مقصده تشوف عيالها عبدالله وراكان !

اول يوم وثاني يوم دالهه اميتي مع عييلها ثالث يوم الا والله خاطرها عمس وانا اجي

جنبها هاه يا ام صالح وش العلم خاطرك مهو سايح والا ابوي له طاري ؟!


تراه ماجاء معها ضل بالحفر جابها اخوي التفتت لي وهي تضحك قالت ابو صالح

عنده اللي مسليه (( هذي فايدة التعدد )) قوي ابوي ؟!

بس انتم هنيا وين جيرانكم من جيت ما احد اواق علينا يربي دخلك ما حولكم عنوز

قلت لها ابد ابد قالت طيب ولا شمامره قلت بعيدين هناك شوي قالت ولا به من اهل الشمال

احد قلت لها ياميتي وش تبين بالعالم محد فاضي لاحد كلن لاهي بدوامه وعمله !

وتخبرين الواحد كود تدقين عليه قبلها بيومين وتستعزمينه والا تعزمينه !

وهي اللي تطير عيونها يمي لحقتني الذله قلت شكلي جبت العيد وانا مدري !

وهي تنفض يدها عوذه عوذه منك ديره وانا اللي اقاطعها ليه يمي ديره رزق وخير ؟!

قالت ينعاف رزقها وخيرها ليا صار بليا (( اوناس )) ؟!


وان اللي انتهز الفرصه واشتغل على ربع (( علم نهيه )) >>>> بدا خط الرجعه للموضوع مع العلم تراني ما طلعت من اطاره

قلت يمي وش رايك اني لو انحد على شي ضروري لواحد من الربع واروح له للبيت ومالقاه

اني ارجع والا اتحراه برا ياما يجي ؟! يعني مسوي ذهين


اضحكت وكني اسمع ضحكته الحين قالت ان تخبر يوم جارتنا (( فلانه )) ضربها رجلها وجتنا زابنه

قلت الا قالت ما تخبر يوم يجون ابوها وعمها من القريات عقب ما كلمتهم وقالت انا عند هاك العرب

قلت الا يمي قالت ابوك وينه هاك الوقت قلت ابوي وقتها بمصر يجيب عمال قالت يوم جو وين راحو

قلت اسم الله عليك يمي ما راحو محل حنا (( معازيبهم )) تراني بوقتها اسرح مع راعينا بغنم الشايب !

وتراهم قعدوا عندنا اربع ليالي مامن الا انا وامي وانا اروح من الفجر ولا اعود الا العشا ؟!


قالت لوهي تصير هالسالفه بهالوقت هذا عندك وانت من موجود وش يصير ؟!


يامار امي طلعت (( هي العلم )) كله ؟!

وانا اتبوسم قلت يعني مامن صمايل !


قالت انت حضرت الاوله وزعمنا لو تصير الثانيه وانت الحين بها وش اللي اختلف وانا امك !


قالت لا تقول شين الوقت هو الوقت ترا اليوم ما قالوا انه زاد ساعه ولا نقص ساعه ؟!


بس نفوس البشر هي اللي تغيرت وشينن مدري منين جانا ولفا علينا جاتين (( يعني مستحيل )) تصيرون مثلنا !



عبدالعزيز السالم

غدينا بوقتنا هذا مثل معايد القريتين !!

لا حنا اللي ضلينا على سلمنا ولا حنا اللي فهمنا ديننا !


ترا مهو حرام ولا هو عيب ان ساقت البنت تراهن قبل (( يصيرن عطفه )) من دونهن الموت ؟!

وانا ادري يبي يجي اللي يقول وين الضوابط الشرعيه من الالف للياء

وجوابه عندي

(( اصلح ما بنفسك تصلح الامه ))؟!

ويبي يجيني (( المعلوم ما فيه )) ويدلي بفارغ دلوه !

فارجعه محملا مملوء بماء (( عله يسقي ضماء ايمانه ))

فاجاوبه بقول المصطفى صلواة الله عليه وسلم


(( كلكم راع وكلكم مسئوول عن رعيته ))


(( ان الله لا يستحي ان يضرب مثلا بعوضه فما فوقها )) ؟؟! لا تنسوا ما فوقها لانه صلب الموضوع ؟!!




رد ود ولو ان الحديث يطول ويطول في مثل هذه الامور !