صورة وقصيدة

[سندريلا]

هاض الضمير وهيضه شوفت البـر
..... واشتقـت انـا للبـر مــن زيــن لـونـه
فيه الجمال وشوفت العشب الاخضر
..... متخالطـن مــن كــل شـكـل ونمـونـه
طراتـه احلـى مـن لبـن صافـي الـدر
..... عـنــد الـرجــال وكـلـهـم يرغـبـونـه
يازيـن شوفـه عـقـب مـزهـر ونــور
..... من عقـب مـا هلـت سحايـب مزونـه
وشــوف الـزبـيـدي لاتـنـبـه وزبـــر
..... وشـوف العـرب فـي منبتـه يلقطونـه
وشـوف الـدلال مصففـات(ن) تبـهـر
..... فــي مجـلـس(ن)كـل النشامايـجـونـه
تشـتـاق لاجيـتـه وخـاطــرك يـنـسـر
..... ويرتـاح قلب(ن)كاثرات(ن)شطونـه

[سعود العواجي]

الله عطاها من الحلا ماعطاها = بنت ٍ صغيره كلها ذوق في ذوق
ان شفتها تشتاق بوسة شفاها = ولاظنتي توسع نظر كـل مخلوق
وليا بكت ضاق الفضا في سماها = وليا ضحكت تزهر نباتات وعذوق
سمارها اللي زاد فيها حلاها = او صوتها اللي فيه نبـره من الشوق
تشبه لطلات القمـر من سناها = وتشبه شعاع الشمس في حزة شروق
ناديت "فجر" وجات تسحب خطاها = وياأرض حني من تحت "فجر" برفوق
لاصار تلبس كل شي ٍ زهاها = وتلبس حلاها مثل ماتلبس الطوق
ومع كل يوم يزود فيني غلاها = ماكنها إلا "كنز" والقـلب " صندوق"
والله عطاها من الحلا ماعطاها = حتى قدرت تجمع من المـلح والذوق

من كلماتي .