على باب اضلعي دقت..//.."طق..طق" افتح ابوابك = انا ضيفة على قلبك..//..ومثلك يكرم ضيوفه
وقبل ما اجاوبه ردت ضلوعي ..//.. " نوخ ركابك =" هنا ..والا هنا... كيفك ..//.. تراها حيل محفوفه
وضاقت وش تقدم لك؟..//.. بعد ما ربها جابك = وانا اخبر الضلوع العوج..//.. تصير احيان ملقوفه
وقلت شلون ياضلعي؟..//..يجي لك سيد احبابك = ولا تدري وش تسوي!!..//..وبه عادات معروفه!!
خلاص اقعد انا اكمل ..//.. "هلا يامطول غيابك"= هلا يا اغلى بشر جاني..//..له الاضلاع ملهوفه
تقهوى.. من فناجيلي..//.. وانا فيها اتقهوا بك = أبي تقدع ضما عمري..//.. وتشرب مني طيوفه
وبعد ماني تغافلتك !!..//.. ابي اكثر انا اهنا بك= قعدت ألهّـي عيونك ..//.. وأموّل "أووفٍ و أوفه"
وذبحت القلب لعيونك..//.. وضلعي قام هلا بك = تفضل..!!ماهو بقدرك..//..وقدرك يصعب وصوفه
تفضل اغلى ما املك..//.. نحرته لاجل ابحضى بك = أبي قربك..أبي حبك ..//.. أبي قلبك.. بسرجوفه
تفضل سم..!! مد إيدك ..//..على كيفك بمخلابك = تفضل.. قطع قليبي ..//..وربي ماهو حسوفه
تصدق ..!! قالو اصحابي..//.. عشانه بعت اصحابك = ضحكت وقلت "وعيونه"..فلا تسوون نفنوفه
اعيش بجمرك وثلجك..//..واموت بنظرة اهدابك = واضيع بليلك وصبحك..//.. وثمانٍ فيك مصفوفه
ألا ياوردة النرجس..//..قسم لو صاب ماصابك= فلا يمكن ذبول اسمك..//..وغيرك مااات بقطوفه
لك الله ما اصعبه وصفك..//..ولوني واقف بـبابك = اشووف الموت قدامي..//..وتلمع منه سيوفه
ولكن دام جيتيني ..//..ترا هالقلب حيّا بك =وانا لي قلب عاداته ..//.. يرحب دوووم بضيوفه
الاخ الفاضل استاذ الكلمه مصلح النشمي
صح لسانك مليون
روعه في الشعر تسلم الله لايهينك
بصراحه عندما تكتب اقف محتارا كيف ارد عليك يخونني التعبير وتعجز الكلمات عن وصف ماسطرته من ابداع وجمال مجتمع في قصيده واحده
يعطيك العافيه وما قصرت قليله بحقك كاستاذ وشاعر
تقبل مني كل احترام وتقدير
27/07/05, (03:04 AM)
العرض الشجري