صورة وقصيدة

[سعود العواجي]

مات الفهد وانشق صدر الليالي = والحزن فصّل للمشاعر لباسه
وعم الاسى فقلوب كل الأهالي = والصبح ظلّم لين بين أعماسه
مات الاصيل ابو الكرم والمعالي = ما ت الشجاع ابو الوفا والفراسه
من شرق غرب ليا جنوب وشمالي = أبكى القلوب اللي تناشد احساسه
اللي يعز الشعب بأول وتالي = وفي طاعة الله مايدور نعاسه
ياما وقف وقفات رجل ٍ مثالي = وفي خدمته للدين كرس حماسه
قائد وله حنكه وله فكر عالي = وخبير جداً في أمور السياسه
كم قال هذا الشعب كله عيالي = وعقب الجهل صرنا نحب الدراسه
الما بكفه صار مي ٍ زلالي = والأرض تطهر يوم تلمس مداسه
راس تشوفه فوق روس الجبالي = ولاعاش راس ٍ قد تجرا مساسه
ياموت هونك في كريم السبالي = وارفق بحزن قلوب ربعه وناسه
ويا موت فعله صار شي خيالي = وطيبه ترى من طيب أصله وساسه
مدري اعزي فيه شعبه وحالي = وإلا اعزي فيه كرسي الرئاسه
صبري نفذ وش عاد يطري فبالي = مات وأنا مابست خشمه وراسه
والله لو ان الروح تهدى لغالي = لهديه روحي قبل يلفظ أنفاسه !!

من كلماتي ..

[طارق الثبيتي]

سجد قلبي على رمل الضلوع وهـزه التنهيـد=وأنا في جوفي خيام الندم والخـوف منصوبـة
يارب أفهق هلاكي والمنايـا والـدروب بعيـد=مـادام المودمانـي للتـراب تقـوده دروبـه
ياغياث الظوامـي والثمـام وجرهـدي البيـد=أعذني من جهنم والحشـر والمـوت وكروبـه
أنا مانيب لا مشـرك ولا فاسـق ولا عربيـد=أنا اللي لاعصى ,, واخطا ,, تجهم وأقلقه ثوبه
وأنا اللي يرتجف مثل ارتجاف الخايف الرعديد=ليا شاف القبـور الضيقـات وحـس بذنوبـه
أنا عبدك ولد عبـدك وجدانـي هـل التوحيـد=خطايـاي أخجلتنـي يالله الغفـران والتوبـة
أنا الإنسان حمال النقايـض والكمـد والكيـد=غريق الطين واللـذات مـن راسـه لعرقوبـه
أنا عبدك ياربي , وانت تفعل ماتشـا وتريـد=سألتك يالله العفـو العظيـم , وهيـن دروبـه

[!! بندووووول !!]

احم احم








على كثر القصيد وكثر ما جاب الخيال أفكار ،،،، عجزت وما لقيت إلا ثمان أشياء تشبه لك

نور الشمس لون الغيم طهر الماء وصمت النار ،،، لين الورد فجر العيد ملك وإنسان يا سهلك

[صالح العرجان]

أنــا بطبـعـي أنـجـذب للنـوامـيـس
وأشيش لامن صاحـوا أولاد وايـل

الله خلـقـنـا لـلـقـنـا والـمـتـاريـس
مـاهــو كـــلام إلا كـــلام وفـعـايـل

ماهـو قصـورٍ بالحـرار القرانيـس
ولاهـو قصـورٍ فـي رجـال القبايـل

لكنّنـا مـن خلقـت الأرض فـرّيـس
نولد على ظهـر الخيـول الأصايـل

الله خلقـنـا لـلـحـروب المقـابـيـس
نشبـهـا مــن غـيـر نــار وفـتـايـل

عـدونـا مــا يـرقــد إلا بكـوابـيـس
الخوف سوى وسـط قلبـه عمايـل

وإليا صحـى تخطّفتـه الوساويـس
بقلـوب خلـق الله نسـوّي الهوايـل

مـا كـن فيـنـا بالمـلاقـا أحاسـيـس
عـدونـا دمّــه عـلـى طــول سـايـل

عـدونـا حـنـا نجيـلـه عـواسـيـس
لا طـوّحـت بالـصـوت أم الجـدايـل

الله خلقـنـا بالـكـرامـه طـواويــس
والله خلقـنـا نكعـمـه كـــل عـايــل

يا ما حفرنا وسط نجد التضاريس
وهـذي حـوافـر خيلـنـا لــه دلايــل

تاريخنا وسط الكتـب والكراريـس
يـدرسـونــه للـشـجـاعـه مـثــايــل

عاداتنـا مـن الكـرم نفـرط الكيـس
ورث الـجـدود الطيبـيـن الأوايـــل

يـا طامـعٍ فينـا تعـوّذ مـن إبلـيـس
مـالـك مــع أولاد وايـــل صـمـايـل