يــاســاحــة الــشــعــار

[نايف الفدعاني]

المشاركة الأصلية كتبت بواسطة مزيد المزيد

اسعد الله اوقاااااااااااتكم بكل خير ...

ابيات متواضعه اتيت بها فقط لكي تعانق قلوبكم قبل اقلامكم ...

لاصارت الغايه وسيلة جنوني = ما ابغى لهم غايه ولا ابغى وسيله
الفكر .. فكري والهواجيس لوني = والصوت .. صوتي مثل ما ابغى اشيله
والشعر نيشانه تشوفه عيوني = اكتب جزيل الشعر واترك هزيله
وأدله الخاطر .. واردد لحوني = والاعب القيفان واشعل فتيله
واسقي عروقي من سحايب مزوني = لاضاق صدري من سراميد ليله

.
.
.
.
.
.
.
.
.
.
.

وان شفت لي ناس ٍ تداحم متوني = ارفع متوني للحموله الثقيله
وياساحة الشعار هونك وهوني = كل ٍ عطاه الله على قد حيله
ماجيت امد الكف بالله عطوني = ولا جيت اباحجز رقم شاعر قبيله
ولا جيت ادور بالذهايب ضعوني = ياعنك مابه بالذهايب اصيله

.
.
.
.
.
.
.
.
.
.
.

جيت اكتب ان الشعر دايم زبوني = ارضيه واروي خاطره وارتوي له
وهبه .. ولا هو من دعايم ركوني = هو ينتمي لي بس انا مانتمي له
لا ماكتبته لجل اسدد ديوني = الرزق من ربي وربي كفيله
اصون حرفه عن خطاي وظنوني = ماينذكر عند الردى والفشيله
والشعر معنى والصعايب تهوني = والذوق فن وكل رجل وحصيله

.
.
.
.
.
.
.
.
.
.
.
.
.
.
.
.
.

ولا صار غايتهم تبرر جنوني = ما ابغى لهم غايه ولا ابغى وسيله

اخوي مزيد



اولا صح لسانك

ثانيا لي عوده وحروف صداها قصيدتك الرائعه التي عندما قرأتها اجبرني بوح راعيها على البوح
ثالثا تقبل تحياتي وتقديري اخوك نايف الفدعاني