تساؤلات .......... - °~*¤®§(§ شبـــكة ويــلان العـربـيـه §)§®¤*~ˆ°

**سلمان الردسا** · 14/08/07, (10:14 AM)

اقتباس:

المشاركة الأصلية كتبت بواسطة عبدالله الحمادي

بصمت

ليه الغياب أحيان يقطع مسافات؟= وليه الخفوق أشتاق للي يراعيه؟
أدري الحنين العذب لو مات مامات=يرجع وأحاسيس الغلا دوم تحييه
ليه أعشق شروقك وانا داخلي ذات؟=وليه الغروب وليه انا ميت ٍ فيه ؟
ليه أستراحات البشر بالمحطات ؟= والقلب راحاته على من يعنيه
وليه أستريح لنبض قلب المتاهات=وليه الخفوق أحيان يخلف مباديه؟
تخيب بي هقوات وتصيب هقوات =والناس جرحي بس منهو يداويه؟
لو كنت تتحسف على ماضي ٍ فات؟=كان الخفوق اليوم كثرت مساويه
يموت جرح وجرح عايش وهيهات=يهزني جرح ٍ تخالف هقاويه
ياجرح ياموج ٍ وياصرصرٍ عات=انا هنا وشهو بيدك تسويه ؟
يبقى خفوقي لو بدت لي متاهات=ويبقى بقلبي شي ما أقدر اخفيه
بعض الغلا يملي لك الإتجاهات=ونظرات عيني ما يأثر بها التيه
تبقى على صدر المشقى علامات=ويبقى كلام ٍ وسط صدري أداريه
لو الغلا فيه أختصار المسافات = نهاية اللي أكتبه وين أوديه ؟

.................

الاخ العزيز عبدالله الحمادي

صح لسانك

سجل اعجابي وتقديري وتقبل مروري

اخوك سلمان الردسا 00000000000000000000000000000000000