رحمك الله يا أبا فيصل

[هزاع الساري]

حل القضا والموت ماهو مناجاه
حل القضا ومقدر الامر تقديـر
امر الولي محد ٍ يرده وينحـاه
والموت حق ٍ مالنا فيه تغييـر
ولو البكا ايثيب حنـا بكينـاه
والعين تدمع دمعها كنها البيـر
لاشك ماينفـع ولابـه مـراواه
يالله تصبرنا على خير تصبيـر
مرحوم ياحر ٍ زعيـم ٍ فقدنـاه
مرحوم يانسل الرجال المناعير
مرحوم ياللي تبذل الطيب يمناه
مرحوم يامذري الحفاه المفاقير
ننعاه حنا اليوم والكـل ينعـاه
يالله عساه بجنتك فيه ويصيـر
ابوفيصل اللي بحكمه عرفنـاه
بعيد شوح ٍ حاسب ٍ للمواخيـر
لو قلت قولي مانعـدد مزايـاه
يعجز عنه بالقاف كل الشواعير
يدلي ودلوه والهدف وين مرماه
سديد راي وعارف كـل تدبيـر
يالله عساه برحمتـك واتغشّـاه
وتجعل طريقه ياالهي بتيسيـر
وتوفق ابومتعب حنا رضينـاه
وحنا معه لاشك بالشر والخير
أسألك انا يالله اتسـدد خطـاه
وتبعد عنه اهل الوجيه المغابير
وتبقى السعودية عزيزة الجـاه
في ظل حكام ٍ بدوهـا بتعميـر
دستورها القرآن والدين مبـداه
عزّ ٍ وخير ٍ مع تقدم وتطويـر



صح لسانك يا الذيب



والله يرحم فقيد الامه ابو فيصل