اباءنا ماذا ينتظرون منا

[ريما محمد]

السلام عليكم ورحمة الله وبركاته
هذا اول موضوع اكتبه في المنتدى معليش تحملو اسلوبي بكره تتعودون علي
الموضوع اللي بتكلم عنه هو موضوع اجتماعي عن كبار السن طبعا لا تخلو عائله من وجود اب او ام او جد تعدى الستين سنه فهل سال اي واحد فينا وش ينتظر هذا الرجل او المراه المسنه من اولاده؟؟؟
بقولكم شي :طبعا لا يخفى على الجميع اهمية بر الوالدين وهذا شي معروف خصوصا بمجتمعنا ولله الحمد لكن هل قدرنا ان نحقق السعاده لهم مثل ما حرصوا وافنوا عمرهم بتحقيق السعاده لنا !!!!!
خليني اصير صريحه اكثر بس بدون زعل لو طلب ابوك منك شي تجيبه او توديه لمكان يبيه وش ترد ؟ كثير منا يقول سم وابشر بس مو هالحين انا عندي شغل الان (طبعا نصاب )!!!بس اوعدك اوديك بكره ؟؟وانت تدري وهو يدري ان بكره يعني تصريفه بس المسكين يقول ايه عادي بكره بكره!!!
تدري سا عتها وش احساسه!!!
انا اقولك
يبدا بصراع مع نفسه مره يقول لنفسه ليش يسوون معي كذا هذا وانا توي ما طحت الله يستر اذا صرت نايم بسرير ما اقدر اتحرك!!
ومره يقول لنفسه:لا اكيد الولد مشغول (الله اعلم ):او عنده شي ويعذر لك لانه يحبك ولا يبي يصدم نفسه بمعاملتك القاسيه
واحيانا نشوف بعض كبار السن يكلمون انفسهم من ضيقة الصدر ويحسون انهم صارو هم على اولادهم وهذا الاحساس ما جا من فراغ جا نتيجة تافف الابناء ادى بهم الى الشعور بكراهية المجتمع لهم
ونلاحظهم دايم يتذكرون الموت لانهم يحسون بثقلهم على من حولهم
طيب يوم كنا صغار من الولاده الى سن سبع سنوات كنا محتاجين رعايه كامله وملاحظه طول اليوم من اللي كان يتولى هذي الرعايه المتواصله ؟تصدقون كانو يهتمون فينا وهم يتمنون ان نعيش وتطول اعمارنا لكن هالحين للاسف لو تسال واحد عن امه المريضه او ابوه اسالكم بالله وش يرد؟؟
ما اقدر اقولها رغم انها كلمه مهذبه والمعنى انه يتوقع موته او يتمناه ؟!!! لكن هل سمعنا اب او ام يلمحون بالموت على ولدهم طبعا مستحيل بالعكس يدعون له بالصحه والعافيه
اسفه شكلي غثيتكم المهم ياليت نهتم شوي بوالدينا كبار السن مثل ما نهتم باصدقائنا او مثل ما يهتم الناس باولادهم يهتمون بكبار السن فهم بحاجه للرعايه النفسيه اكثر من الاطفال 0وهم يشبهون المهندس اللي بنى له قصر وحرص على تجميله بكل امكانياته وبعد ما خلص من البناء وبعد كل التعب جلس بالشارع ما قدر يتظلل ولا بجدار من القصر اللي هو بناه وتعب عليه قهر صح
اشياء تفرح كبار السن وتدخل السرور عليهم
:ا احرص على تقبيل راس والديك يوميا
حاول تطلب منهم التحدث عن الماضي فهم يجدون متعة كبيره في الكلا م عن ايام شبابهم وطفولتهم يعني اسال امك يوم يخطبك ابوي كم كان عمرك؟ و وين كان حفل عرسكم؟وبعدين انتقل بسرعه للطفوله : وش العابكم وانتم صغيرين ؟واذا كانت امك اللي بتسولف معاها اسالها عن طبخات الاولين تراها تنبسط مرررره اما ابوك فاساله عن تجارته شغله وشوي عن تجاربه العاطفيه ايام الشباب بس بدون حضور الوالده طبعا: ايه لا تتوهق انت تبي تسعدهم تقلبها هوشه وطلاق لاسمح الله
اذا كنت متزوج وعندك اطفال جب بزارينك لامك او ابوك وقولهم (يبه او يمه علميهم العابكم وانتم صغيرين وخلها تلعب معاهم تراها تستانس مره بس لا تزودها شوي وخلاص لان كبار السن ملولين :
اخر شي بقوله اللي يسعد كبار السن انك تاخذهم برحله للاماكن اللي عاشو فيها وهم صغار او شباب
شوفوا ترى هذا الكلام ما هو من تاليفي تراي مرتكيه على قراءات وبحوث علميه ايه لا تحسبوني اتميلح وسلامتكم
محبتكم
ريما

[بدر حمود]

/

بالطبع موضوعك قيم وحساس جداً

وتطرقتي لـ عدة عناصر رئيسيه مهم جداً ولها اثر على ابائنا أن فعلناها لهم

مثل التقبيل على رؤوسهم أو التحدث عن الحنين بالماضي !!

او الرحلات للأماكن التي يحبونها ..!!

لأن في هذة المرحله يكون حساس جداً وعلينا ان نراعيهم ونراعي نفسياتهم

وعلينا أن نريهم بأن ثمرة تربيتهم لنا تربية صالحه !!

شاكر لك هذا الموضوع الاكثر من راائع

.. !!

/

م ب ع ث ر

[فايز البذيلي]

وقفة حانية تستحق الاشادة

القديره

ريما

طاب هذا الموقف تجاة من رضائهم مربوط برضى الله عز وجل

نحن ولللاسف في مجتمع مازال الوعي فيه ددون المستوى , وان ساهم الاعلام في وعية الا اننا في حاجه ماسة الى الكثير من المثاليات في المجتمعات الاخرى

نجد اسلوب التعامل مع المسن حاد وجاف جدا

ولو رجعنا الى الاسباب لوجدنا ضعف الوازع الديني مهيمن تماما على ذلك العاق


فما كان هذا ماينتظراه والدينا منا وماكان هذا هو جزائهم

ماذكرتيه كفيل برضائهم علينا لو قبلنا رؤوسهم وتحاورنا بماضيهم

ومازال الكثير يدخل البهجه والسرور لهم

اعاننا الله في بر والدينا

كل الشكر لكـ

[اميرة الحرف]

يالبا قلبك ريوم والله انك فلتة شبكة ويلان القادمة بقوة أخ بس ليتني انا اللي اكتشفتس عشان اذا بكره رزو اسمك فوق مع حقين الذهبي والبرونزي تقولين اشكر عيوف هي اللي اخرجتني للناس .."""<<< لاتشرهين متنحه من شوربة كويكر وكن رمضان مايمشي الا فيها

من جد موضوعك رائع وحساس واسلوبك مميز يعطيك العافيه وتحملي ردي الماصل

عيووف

[ريما محمد]

اشكر كل من مرت عينيه الغاليتين على حروف موضوعي اشكرك اخوي بدر واخوي فايز اما اختي عيووف فاشكرك واقولك تراك عطيتيني بكلامك دفعه قويه للامام لين وصلت شارع العليا العام اشكركم جميعا على تشجيعي
محبتكم
ريما