أبــيـات شـعرٍ جـوهـر الـماس مـعناه

[حمود نايف الهذيل]

أكتب من الشعر المقفى بالأوراق
أبيات شعرٍ جوهر المـاس معنـاه

مانـي بغـدارٍٍ ولانــي أبــواق
ولاني من اللي فضل الاصحاب ينساه

ولاني من اللي يحتمل كسرة الساق
أحـب ميقـاف الشـرف واتمنـاه

الرجل له مبداء ومنصـى وميثـاق
واعز رجـلاً تفعـل الطيـب يمنـاه

الطيّـب ألـي للجزيـلات سـبـاق
اللي على الطولات يتعـب مطايـاه

ولاعز رجـلٍ صحبتـه بـس يـاراق
في قسـوة الايـام ينسـى وننسـاه

لو هو ولـد عـمٍ قريـبٍ للأعمـاق
ياصـار ينسـى واجبـه ماتـرجـاه

ياصـار ماهـو للمهـمـات لـحـاق
وش عاد لـو كثّـر حلالـه وربـاه

وين الرجال اللي بنشفات الأريـاق
ميقافهم مع اكثـر النـاس تلقـاه

دنياك يابن آدم بها جمع وفـراق
ياما جمعت وفرقت من هـل الجـاه

للمعتبـر عبـره بتقسـيـم الارزاق
رزقه يجيـه ورزق غيـره تعـداه

وكلٍ بتفكيـره وعقلـه والاذواق
فيها اختلف ناسٍ كثيـره لقينـاه

والحكمه لوالـي المقاديـر خـلاق
خـلاق مابالكـون عالـم خفـايـاه


دمت لنا انت تشرف وقصيدك يشرف


وصح لسانك