** قضية السنيكرس والشرطه ** - °~*¤®§(§ شبـــكة ويــلان العـربـيـه §)§®¤*~ˆ°

**شمــــــــوخ** · 26/10/07, (09:47 PM)

ســـالخيــــــــر

قسم بالله اللي يتطنز ياويله << يا شين اللي مب واثقه من نفسها هع
يا جماعه قدر الله علي و سويت حلى ..
القصه وشي .. قلتوا لي وشي .؟

هذا سلمكم الله جا في بالي اسوي حلى شفته مع وحده من زميلاتي كانت القهوه الصباحيه عليها وجابت هالحلى معها
وحلى ثاني بعد بس وشو حلى خققاان << صورة قلب يقول طمبق

وهو آيس كريم السنيكرز أنا خقيت عنده آيس كريم وبعد سنيكرس

طبعا الأغراض اللي تحتاجينها ياعزيزتي

<< و الله ياهي داخلتن جو بعد : )

2 طبق كيك امريكانا << جيبي اللي يكون شوكولاته كله

10 حبات سنيكرس كبير

1 علبة قشطة الخفق السائلة(متوسطه)

وقيمر واحد

لوز مجروش (المعلب) << لا تحرصون عليه واجد

2 علبة قشطه

2 علبة صغيره نستله

نسكافيه

(قطع لوز للتزيين) << ما حرصت عليه

صينية قاعدتها متحركه (صينية التشيز كيك )

قدر و ملعقه << او المايكرويف إذا كنتي بنت نعمه

خلاط

فريزر

::

الطريقه

1- قطعي الكيك قطع متساويه همن صفيها ك طبقة أولى في قاعدة الصينية المتحركه(تأكدوا إن القاعدة مقفل عليها زين لأني جبت العيد بس ربي ستر ).

2- حطي كأس ونص من قشطة الخفق مع ملعقه (صغيره) ونص من النسكافيه .. وحركيهم زين لين يذوب النسكافيه .. لين ذاب صبي نص الخليط على طبقة الكيك اللي صفيتيها.

3- ذوبي السنيكرز في حمّام مائي (أو بالمايكرويف) .. إذا ذاب السنيكرز حطي عليه القيمر وحركيهم ع النار ثم صبيهم على الطبقة الثانية.

4- صفي طبقه ثانيه من الكيك .. همن صبي فوقها نص الخليط اللي بقى من قشطة الخفق والنسكافيه.

5- باقي الطبقه الاخيره .. جيبي (علبتين القشطه + علبتين النستله + 4 ملاعق كبيره لوز مجروش) ..
اخلطيهم زييييين همن صبيهم ع الصينيه .. و دخليهم للفريزر لمدة ما تقل عن 7 ساعات.

طبعا أنا سويت الحلى الظهر .. و طلعته من بكره

صح إنه جلس فوق 12 ساعه بالفريزر .. بس طلع شيييييي خصوصا مع فنجال
قهوه ع الصباحيه

بعد ماطلعته من الفريزر قمت بسرعه اخذت بسكوت أوريو و كسرته ع الطبقه اللي فوق ..
و حطيت عليه هيرشيز قبل لا تقلب تسبودنا زودهع

عموما اتركم مع الصور أصرف هع

صورة جو أرضيه مباشره بعد ما لعبت بحسبة الهيرشيز

::

أول افتتاحية للكيكه وأول قطعه .. و زين اللي لقطتها قبل يطلع اصبع زوجي العزيز

فيه صوره و الصحن حول ما يقضي بس فيه اثار اصابع استحيت انزلها ..
مدري وين قاعدين الظاهر في غابه منيب في بيت ..

ما بعد وصلت لهم نعمة الملاعق الله لا يفضح بنا هع هع

<< وش عندها أبله حكمت قامت تفتي في الاتيكيت و علوم السفره هاه

لاتنسون تمدحوني

::

س ل م ل م

**فهد الشافي** · 26/10/07, (10:27 PM)

................والله طبق حلووووو مرة
.......بس وين العزيمة؟
....دمتي بود.........

**محمد الدلماني** · 27/10/07, (06:47 AM)

بصراحه الطلبات كثيره يعني اسوي بيض وطمام مع شاهي افضل

مااحب الحلويات مثير بس اللي عجبني السنيكرس مع اني ابتعد عن الكاكاو واحيانا ل 6 شهور متواصله بسبب الصداع النصفي

تشكرااات

**شمــــــــوخ** · 27/10/07, (01:11 PM)

اقتباس:

المشاركة الأصلية كتبت بواسطة سيف وصهيل

................والله طبق حلووووو مرة
.......بس وين العزيمة؟
....دمتي بود.........

حياك الله سيف وصهيل
الله يحلي آيامك

هذي تجربه وراح فيها الحلى أن شاءالله مرة ثانيه بسويه واعزم المنتدى كله

::

لاهنت ع الحضور

**شمــــــــوخ** · 27/10/07, (01:15 PM)

اقتباس:

المشاركة الأصلية كتبت بواسطة محمد الدلماني

بصراحه الطلبات كثيره يعني اسوي بيض وطمام مع شاهي افضل

مااحب الحلويات مثير بس اللي عجبني السنيكرس مع اني ابتعد عن الكاكاو واحيانا ل 6 شهور متواصله بسبب الصداع النصفي

تشكرااات

ههههههههههاااي محمد الله يديم النعمه الرجيم عامل عمايله معاك

عاد حنا دورنا عند الحلى وعند السنيكرس خصوصاً

بس 6 شهور كثيره ماقدر ابعد عن الشوكلاته كل هالمده

::

مشكور ع الحضور الجميل

**مصلح النشمي** · 27/10/07, (01:24 PM)

2 طبق كيك امريكانا << جيبي اللي يكون شوكولاته كله
10 حبات سنيكرس كبير
1 علبة قشطة الخفق السائلة(متوسطه)
وقيمر واحد
لوز مجروش (المعلب) << لا تحرصون عليه واجد
2 علبة قشطه
2 علبة صغيره نستله
نسكافيه

(قطع لوز للتزيين) << ما حرصت عليه

====================

قيمة المقادير بس اتوقع قيمة اغراض بيت لمدة اسبوع خخخخخخخخخخخ

شمووخ الله يعطيتس العافيه ماقصرتي

بس بصراحه انسدت نفسي من شفت عشر حبات سنكرس لا وكبير يعني ابو ريالين

مدري ريالين ونص خخخخخخخخخخخخخخخخخ

بس شكله مغريه

يسلموو شموخ =================انا والدلماني مدري وش جايبنا

شموخ قضية السنكرس والشرطه =====قريت الموضوع سبع مرات مالقيت كلمة شرطه:d

**شمــــــــوخ** · 27/10/07, (01:48 PM)

وش جايبكم بعد ؟

مراقبين وتؤدون مهامكم المسنده اليكم بذمة وضمير

اقتباس:

قيمة المقادير بس اتوقع قيمة اغراض بيت لمدة اسبوع خخخخخخخخخخخ

محد قالك أن الحلويات مكلفه شوي في مقاديرها وخرابيطها

::

اقتباس:

بس بصراحه انسدت نفسي من شفت عشر حبات سنكرس لا وكبير يعني ابو ريالين

مدري ريالين ونص خخخخخخخخخخخخخخخخخ

لاحوووووول جالس يحسب الفلوس كم

بس مو حسوووفه عليه لما تذوق طعمه خباااااااااااااال

نصيحه سجلها بورقه وجب المقادير لأم فيصل تسويه وتشوف ولاتنسى سنيكرس ابو ريالين

::

اقتباس:

شموخ قضية السنكرس والشرطه=====قريت الموضوع سبع مرات مالقيت كلمة شرطه:d

هذا يسمونه أسلوب تشويق وشد انتباه بالعنوان

::

مشكور أبوفيصل ع الحضور لاهنت