طيف العنود

[رابح الغضيان]

طيف العنود

يا وجد حالي كل ما مر طيفه =طيف العنود اللي ذبحني هواها
لا جيبت ابرقد بالغلا سل سيفه=وغليه وغلي طيفها من غلاها
وجدي عليها وجد رملى ضعيفه=ماله قرايب وهجروها اقصراها
تلوّعه بقعاء بحال ٍ كسيفه=والحظ الاقشر ساعده في شقاها
والبيت طين ولا يذري سقيفه=وبعض الليالي ما تحصل عشاها
ولا تبين الحاجة بطبعه عفيفه=صبور لكن صبرها ما قواها
ماله بهالدينا سوى أمٍ كفيفه=ولها ولد صغير وآخر ضناها
جيعان لكن ما تحصل رغيفه=تموت لا من صاح وإلا دعاها
لا شافته يبكي تزايد رجيفه=وقامت تهل ادموعها من عناها
من خوفها عليه حاله نحيفه=آخر أملها بالحياة وعزاها
ترجيه يكبر له ويشغل وظيفه=وتطلب ولي الكون يقبل رجاها
وانا رجايه بنت شيخ ٍ شريفه=محد ٍ بهالدنيا عرف وش وراها
حبيبتي يا ناس ماله وصيفه=عقل وجمال وعال ٍ مستواها
عطاه ربي مع جماله لطيفه=يا حظ من يقضي حياته معاها
والله لو تسكن ديار الخليفه=دار الشيوخ اللي عزيز ٍ حماها
لمشي وراها طوع من شان كيفه=وبيع ما أملك ودور رضاها
واسكن بشارعها ومر برصيفه=يمكن تجي صدفه وفوز بلقاها
ومن لا مني يا عل يفقد وليفه=ويبلا بعله ما يلاقي دواها

رابح الغضيان

[هندي المقبل]

رابح الغضيان

قصيده جزله من شاعر لايكتب الا جزل

صح السانك على هذه القصيده الرائعه

دمت بكل ود

[هيـاا العـازمـي]

الله الله الله عليك يا رابح الغضيان

بوح وفاء واحساس صادق

ومشاعر تغرد شوق وعشق

صح الله لسانك ولاهنت اخوي

وياليت أرى تفاعلك مع الجميع هنا

تقديري

هيـــــااا

[ماجد الغانم]

الأخ العزيز
والشاعر الرائع

رابح غضيان

صح لسانك ...ولاهنت

هالقصيده الجزله والراااائعه

والتي تحوي بين طياتها المشاعر الجياشه والأحاسيس الصادقه

والأبداااع المتميز.......

كيف لا وخلف هذه القصيده الرااائعه والجزله المبدع رابح

لله درك ولافض فوك ......
..
.
.
أخوي رابح الله يلوم الي يلومك

دمت بكل خير

ودام هذا التميز والأبدااع

تقبل خالص تحياتي وتقديري

[فهد الشافي]

الله الله الله عليك يا رابح الغضيان

بوح وفاء واحساس صادق

ومشاعر تغرد شوق وعشق

صح الله لسانك ولاهنت اخوي

وياليت أرى تفاعلك مع الجميع هنا

[سالم صالح]

الشاعر /رابح الغضيان

رائعة من رائع


والي يلومك ياعل يفقد وليفة ---------------

[رابح الغضيان]

الاخوه الاعزاء كل من مديرعام الموقع السيف القادم
وماجدالجعفري
وسالم صالح
وفهدالشافي وجميع الاخوه دون استثنا
والكاتبة الرائعة هيااااا العازمي
مشكورين على
ردودكم وتفاعلكم الذي اعتبره تاااااج على راسي ووسام علىصدري ادامكم الله جميعا
تحيااااااتي لكم اخوكم رابح الغضيان