المواطن العربي (( بين قوسين ))....!!! - °~*¤®§(§ شبـــكة ويــلان العـربـيـه §)§®¤*~ˆ°

**صالح العرجان** · 29/05/05, (03:51 PM)

الأهداء .../
لكل مواطن عربي
مع التحيه وباقة ورد حمراء .....!!!

الصبـح طـل ومابعـد قــام ( عـلّـوش )

وحنـا مـثـل عـلـوش للحـيـن غافـيـن

( والبرتقالـه ) قشرهـا الـيـوم مـعـروش

ولاعـاد بـاقـي منّـهـا غـيـر قشـريـن

وكلٍ علـى ( وطفـى ) يغنّـي ( وعمّـوش )

أخبال مـدري أيـش مـدري مجانيـن ...!!

يابـوش مـدري وش تبـي بــس يـابـوش

شوفـة عيـونـك كــل أبـونـا مساكـيـن

مستسلـمـيـن ولانـقــاوم ولانــهــوش

مبطي على هالحال يمكـن مـن سنيـن ...!!

يكفـي غزيتونـا غـزو فـكـر ودشــوش

يكـفـي تسوقـونـا ســـواة البـعـاريـن

وشلـون لـو جيتـوا زرافــات وجـيـوش

حنـا العـرب يابـوش أهـلاً وسهليـن ...!!

أهـل الكـرم ماتشوفـنـا كلـنـا كــروش

عاداتـنـا نستقـبـل الضـيـف بأهـلـيـن

وشلون وأنت الضيـف خـوشٍ علـى خـوش

يامرحبـابـك ياسلـيـل الملاعـيـن ....!!

بالحالتـيـن الــدرب بـالـورد مـفـروش

وش عاد لـو تزعـل علينـا البساتيـن ...!!

( بغـداد ) طاحـت مابقـى عقبهـا عـروش

يابوش مايكفيك راحـت ( فلسطيـن ) ....!!!

بـدلـه ودشـداشـه وغـتـره وطـربـوش

علـى أمتـدادك ياوطـن مالنـا عيـن ...!!

بكبـرك نبيعـك ... والثمـن حفنـة قـروش

يلعـن أبونـا مابقـى غيـر شبـريـن ....!!

أقوانا لامن ثـار ينقـال لـه / ( هـوووش )

... ( ياكل تبن / يسكت ) سواة الوراعين ...!!

الوضـع هـذا صعـب والـراس مــدووش

والله يثبّتـنـا عـلـى الـحــق والـديــن

-

-

**مزيد المزيد** · 29/05/05, (10:40 PM)

رووووووووووووووووووووووووووووعه

الله لايهينك وتسلم يمينك

قصيده صريحه جدا" ولو ان الصراحه تزعل

لكن بلا شك انها قصيده قنبله

تسلم يمينك على النقل المميز وصح لساااااااااااااااااان شااااااااااعرها

دمت بخير

**صالح العرجان** · 30/05/05, (01:05 PM)

سعدت بمرورك الكريم

مزيد المزيد..

لا

خلا

ولا

عدم

**محمد الدلماني** · 07/08/05, (04:37 AM)

الوضـع هـذا صعـب والـراس مــدووش

والله يثبّتـنـا عـلـى الـحــق والـديــن

رائعه يابو عبدالله

وعلا قولت مزيد صريحه جدا

وهذا اللي حاصل

تحياتي لك

**صالح العرجان** · 09/08/05, (08:09 AM)

مشكور على مرورك الكريم

(( حب لي مشعل ))

**فهد الخدلي الفدعاني** · 12/08/05, (12:14 PM)

وشلـون لـو جيتـوا زرافــات وجـيـوش

حنـا العـرب يابـوش أهـلاً وسهليـن ...!!

يعطك الف عافيه يابن عمي

ولاهنت

**هزاع الساري** · 16/08/05, (10:49 PM)

الوضـع هـذا صعـب والـراس مــدووش

والله يثبّتـنـا عـلـى الـحــق والـديــن

الله الله الله

صح لسانك

وصح لسان الشاعر