الـــــــــــــورث - °~*¤®§(§ شبـــكة ويــلان العـربـيـه §)§®¤*~ˆ°

**حسين الهوران** · 12/12/07, (12:48 AM)

فوق قاع الحقيقه شوف عيني جثا= شفت أنا الجود خايف ترتجف ركبتيه
شامخ الراس أول فوق راسه حثا= من تراب الليالي غبرةٍ تعتليه
عقب طيب النوايا,صار فيه اخبثا= وكل شيٍ تغيّر ولاالوجيه الوجيه
ورث أهلنا,القداما,مالقانا,ورثا= كان مفروض نحفظ ورثنا,وإنحميه
لكن أبدع رداناوفي سمانا,عثا= وكل جيلٍ تردى يعدي اللي يليه
والله إن الحقايق في بعضها, غثا= لكن النفس ترجي خيّرٍ تحتريه
ماكتبت القصيده غير وجد ,ورثا= يرحم الله أهلنا,مالهم من شبيه

**هندي المقبل** · 12/12/07, (01:36 AM)

ابيات جزله تحمل معنى جزل من شاعر جزل

صح السانك ودام حضورك

تقبل اعجابي

**ماجد الغانم** · 12/12/07, (12:12 PM)

الأخ العزيز

والشاعر القدير

حسين الهوران

صح لسانك ولاهنت

قصيده تحمل بين طياتها الجزالة والمعني

فالله درك ولافض فوك

...
.
.
دمت بكل خير

تقبل خالص تحياااااااااتي

**سعوط المجانين** · 12/12/07, (12:47 PM)

حسين الهوران

صح لسانك ولاهنت وفي انتظار القادم

تقديري الجـم

...

**سعود المسعودي** · 12/12/07, (02:00 PM)

ماكتبـت القصيـده غـيـر وجــد ,ورثــا
::::::::::::::::::::::::::يـرحـم الله أهلنا,مالـهـم مـــن شـبـيـه

صح السانك
ويعطيك العافيه

**البندري العنزي** · 13/12/07, (12:11 AM)

الشاعر حسين الهوران قصيدتك محكمة بفن متمكن ولك اسلوب يوضح تمكنك من الشاعرية الفذة

وخصوصا هذا النص الغير عادي بقافية غير عادية من شاعر مختلف عن غيره

اتابع قصائدك بشوق

**حسين الهوران** · 28/02/08, (08:43 PM)

اعزائي

شكرا من الاعماق

مروركم تاج على راسي

تقبلووو تحياتي