ويامدور الجالس على شبة الكار ... إسأل عن الويلان تلقى محــله ..... مصافحه بعد غياب

[هيـاا العـازمـي]

المشاركة الأصلية كتبت بواسطة خيال البويضا الصقري

بعد غياب نأمل قبول المتواضعه

::
::
::

الوايلي مجبول على شبه الكار=وسيـع الثنايا مجلسه ماتمله
مشرع ٍ بابه على طول الأعمار=الضيف لا من جاه حسبت هلله
يشفق على شوفة رجاجيل ٍ خيار=ليا قبـلوا يمه حجاجه يفـله
يشب ضوه قبل بزغـات الاسفار=ويدق نجره يطرب اللي فطن له
في مجلسه تلقى مقاديم الاعطار=وفي مجلسه تلقى علوم الأخله
وفي مجلسه تلقى وافين الاشبار=شيوخ الرجـال موثقين الادله
يمشي على درب الرجاجيل الاحرار=ويرقى بشموخ النايفات المطله
صدره وسيع ٍمنبتٍ كل الاقفار=يسقيه من طيبه ويثمر مهله
ليا تكلم كلمته وقع الامطار=يروي مسامعنا بمـزنن يهله
في فزعته يحمى على صـالي النار=يثور بركانه وسيفه يسله
ولاجا وقت الضيم للضيم صبار=مايشتكي للخلق في مستعله
يدعي الإله الواحد النافع الضار=يفرج عن الكربه ويغفر مزله
في حِسبته للناس موقع للأنظار=وفي حِسبته للطيب نغمة سجله
متميز شكله على كـل الاقطار=مثل الجدي معروف ثابت مطله
ويناشد عنّه ترى مافي اسرار=معروف والمعروف كلن يدله
ويامدور الجالس على شبه الكار=اسأل عن الويلان تلقى محله

::
::

ابوعهـــد

.
.

ماشاء الله .. تبارك الله يا ابو عهد

انشهد إنها أبيات وافيه من راس وافي

ولكَ الحق في أن تفاخر بهم

كفووووووووووو يالقرم

وصح الله لسانك وبوحك وفكرك

ولاهنت

تقديري

هيــــااااا