ديوان الشاعره::: بنت العبيه :::

[بنت العبيّه]

الوقت علمني

الوقت علمني دروب المواجيب = وعلمني اجنب دروب الرزايا
اشوم عن درب الردى واترك العيب = وانوز للعليا وزين المزايا
اخذت من وقتي دروس وتجاريب = حفظتها حفظ البشر للوصايا
الوقت شيخ/ن والاوادم معازيب = مايقضي الحاجه بسوق العطايا
وانا معي للوقت تذكار من طيب = وقت/ن عسفني مثل عسف المطايا
لو ان في وسط الظلوع المحاديب = شي/ن يكسر محدبات الحنايا
ماقول توجعني جروح/ن معاطيب = ولا تلمح رموش النواعس بكايا
ولايفرحون مدورين العذاريب = اللي يزيدون الكوايا كوايا
بشاية ولي العرش من يعلم الغيب = رب/ن يخافونه جميع البرايا
ماينحني راسي ولو يمتلي شيب = ولاارجع برايي والنوايا نوايا

اباعترفلك باعتراف اني وربي خايفه

ياصاحبي ماجت على كيف الجروح النازفه = لو هي على كيف الجروح الا توخى مقتلي
بس الله اقوى اللي مقوي هالظلوع النازفه = اللي مشرهني على بعض الامور اعن زعلي
ياصاحبي ان كان تسمح لي بشرح السالفه = وانا اعلمك الحقيقه بس بالشرح الملي
اباعترفلك باعتراف اني وربي خايفه = من تجربة حب/ن اخاف انه يموت من جهلي
ودي اجرب واعتلي صهوة حدود العاطفه = يعني على عرش المحبه باتربع واعتلي
ودي على صدر السما بين النجوم النايفه = افرش بساطي بالسما ويرتاح بي قلب/ن خلي
بس المصيبه كل حب/ن مثل ماني شايفه = ياصل بك حدود السحاب ويستهل وتنزلي
يعني مروره في عجل يشبه مرور العاصفه = ان ماتدمر بك بعض // يصبح دمارك اكملي
يشبه مشاوير الطريق اللي كذا متخالفه = وتحتار مابين الدروب اللي تبي توصلك لي
دروب/ن تجيبك في عجل مثل المشاعر زايفه = ان كان به حب/ن // فهو حب الحبيب الاولي
اما انا // فانا كذا عن كل حب/ن حالفه = مالي مشاريه/ن عليك // ولا لك مشاريه/ن عليّ
الحين اكيد انك عرفت من ويش مثلي خايفه = من تجربة حب/ن اخاف انه يموت من جهلي

الرضا والمستحيل

ماجت...على كيف الرضآ ولاهي بكيف المستحيل... =ولا...جت قناعات البشر تتشـــابه اومتقاربه...
كلٍ...خلقه الله على ملـــه ولـــه لــون ودليــــــــل...=اللي...يميز به طريــــــق وتثبته تجـــــاربه...
احدٍٍ...بسهوله تقنعه واحدٍ تعدلـــــــه ويميــــــل... =يعني...يضيع الوقت معه فيوزات عقله ضاربه...
واحدٍ...على الفزعه يجي حصانٍ وتسمع له صهيل... =ياقف...بوجه المعضله ويقــــول يااللـــه خاربه...
واحدٍ...قبل تستفزعه تسمع له نيــــــاح وعويل... = وإلا...لمحك بوسط نـــاس قفى ولقى غاربه...
واحدٍ...إلامنه حكى ينــــزاح بك هم طويـــــــل....= يستاسع...الخاطر معه لون همك شـــاربه...
واحدٍ...تحس مقابله هـــمٍ معه غـــمٍ ثقيـــــــــل...= يقعد...معك وإلا يروح دايــــم حجاجه كاربه...
واحدٍ...تشابه نيــــته مــــي ٍقراحٍ سلسبيــــل... = تثــمر...صداقته ببعيــــدالناس كيف اقــاربه...
واحدٍ...يعرف ان النوايا كاالمطايا بس يعيــل..= والوقت...مثل الساعه اللي تشتغل عقاربه...
ولوهي...على كيف الرضآوإلابكيف المستحيل... = كلٍ...يبي فعــــلٍ يجمله او يدسم شـــاربه

حبال المواجه

طلبتك..كان لي خاطر اببعد عنك وانت ابعد...=عسى..الله يقطع حبال المواجه قبل نتواجه...
عسى..اللي جابك لدرب لغيرك كان سد ولد... =يوريك..الطريق اللي بعيـــــــدٍ مابه مواجه...
ترى..الفرقا تكون اهون مدام ان الجروح جدد...= قبل..تستفحل جروح القلوب ويصعب علاجه...
امآنه..كان لي خاطر تفكر في كلامي جد...= تصك...الباب لاجيــــــتك بمفتاحه مـــزلاجــه...
وامآنه..لانشدك قلبك وبغيت تجاوبه منحد...= تعلمه..الحقيــــقه مثل ماهي وفـــر احــراجه...
وامآنه.. لابكت عينك دموعٍ ماحصاها عــد...=تذكرني...عشان الدمع يرجع خلــــف لأبراجه...
وانا..بذكرك في كل الثواني كانها تنعد...=وابشعل...للقصايد في غيابك نــــاروهاجه...
واببكي...كل ماتطري على بالي إلين انهد..= وابسهر...بس انا وياك بليـــل يضوي سراجه...
ابتشره...ابعاتب...ابسأل وانت عطني رد...= تراني...حيل لأجوبتك وربي حيـــل محتاجه...
عشان...ان حدني وقتي وجردني زمان الصد...=وتبعثر...كل مافيني وقلبي كســــرسياجه...
اعرف...ان الدروب اللي تجيبك كاالمشاعرجرد...= واعرف...ان الدروب اللي توازى صعب تتواجه...

جموح السنين

الله...عليـــــه الوقت جـــاير وظــلآم .. = مـــاعـــاد...لي صبرٍ عليـــه وشــكيته...
حمــلنـــي..هموم ومتاهات الأيــام..= تكــاثر...الفرحــه علي يوم جيــــته...
شيِ...بقلــــبي ساتــره جلد وعظــام...=رحمـــه...من الله وإلا انــا مــاقويــته..
شيٍ...لـــوانه ينكشف بيـن الآنـــام...= الــعالم...الله لاانتهي مـــا انتهيتـــــه...
لاهــو...وهــم واعامله مثل الآوهام...=ولاهــو...دمــوع وينتهي لا بكيـــــــته...
ولاهـــومجرد خط من روس الآقــــلام..= اشفق...عـليـــــه وينتهي لا قريـــته...
ولا...مجرد حــلم من ضمن الآحـــــلام...= ماهمني...وانســــــــاه لو مـــاحزيته...
ولاهــو...مثل هــمٍ معاشرني اعــوام...=اســـلاه...وقــت واكــثره مــاسليـته...
إلا...غـــلا ومقســـمه قلــبي اقسـام...= عشـــان...كل مــارحــت وجهه لقيته...
يهزني...له طــاري الشعر لا قــــام..= يجوش...في صدري عليه ونخيـــته...
مره...يجض ومر تسمع له ارزآآآآآم...=ياكـــود...جرحٍ باالحشـــالو رفيـــته...
ليــته...ســهر ويمرني قــبل لاانــام...=يرتـــاح...بعيــوني فدته.....وفديته...
وإلا...خيــالٍ مرني لحـــظة هيــــام...=ليــته...خيــالٍ عــابرٍ ومـــر ليـــــــته...
الإ...جمــــوح سنيــــن وافلت له لجام...=عمــرٍ...مضـالي قبل اعرفه هــويته...
ابيـــه...لــوقربه معانـــاة واجرآآآآم...= ابيـــــه...بس مـــااقــوى على هدم بيته...
احتـــاج...لــه حاجة صغيرين الآيتام...= واحتــــاج...له حــاجة كـريـــمٍ لصيــته...
معه...معه...لاقــال قـــدام..قــــدام...=إلا...بشيٍ لــجل عيــــنه خبيــــــته...
والله والـلـي مـنـزه ٍ ديـن الاسـلام ..=عـلي مـامـرت لـيـلـة مـابـكـيـتـه ..
بس...الحقــيقه...مــره وسهلها طـــام...= ان...جيـــت مـــت وروحتـي عنه ميته...
شفت...السمــاء اسدل على نجومه لثام...=بليــلة...فـــرآآآقٍ لعنبوهــا مميــته...
بس...الله ارحـــم ملـــهمٍ قلبي الهـــام...= لااشتقت... صـهوة هاالخيال اعتليته...
ولاحدني...شكل الوله والوله ســـام...= جيت...المكان اللي يخــبر وتنيته...
ان...مــر ابلزمـــه الرضــآمني الزآم...=وان...مــاحــصل مــاضرني لا احتريته

رح...فمآآآآآآآن الله

شفت...لو تاصل من الشوق لحدود السحاب=لو...يدينك تلمس الغــــيم ويرش مطـــره...
لو...عشاني تلعن البعد واشكال الغــياب= لو...تسافر تجمع الود جاهات لمـــره...
لو...تجيب من الهدايا هداياك العـــــذاب= لو...تحاول تقطف الورد من كل شجره...
لو...تجي كلك عذر في إيابك والذهاب= لو.. تحط.الشمس في كف وبكف قمــره ...
والله...إلا تشرب المر وتذوق العــذاب= وانت=ماحركت فيني ولو قدر شعره...
غلطتك...غلطة عمرماحسبت لهاحساب=هزت=القلب وتجشم ضلوعي وكسره...
قلبي...اللي من غزيته فتحته باب باب= جيت...واحد بس كنك مجنـــد بعشره...
غلطتك...ماهي نتيجة شره وإلاعتاب=لجل...اسامح واجبر القلب يرجع بأثره...
غلطتك...اكبرمن الشوق في حال اغتراب=واصعب...من الدآئره بس في رسم الكره...
واصعب...اصعب من تفاصيل شكل الآنسكاب= اشبه...في حالة ذهول البحر للي عبره...
رح...فمآآآآآآآن الله رحلة ذهاب بلا إياب=رحلةٍ...بهديــــــك. بوردنقها والتذكره...
رح...وانا بودعــك مثل توديع المصاب= من...حفر قبرٍ لغاليــــه وبيديه قبره...
وكان...قلبك هاقيٍ اني بدونه في عذاب= قـلـه...ان القلب والله فلا جاب خبره...

تقلب المواجع

والــلـــه...انــي مــاذخـــرت من الــجروح إلا الــمـــواجــع= تـقـــل...بــين الجــرح واوجـاع الــزمــان اكــبرحــمــيا...
صــرت...اقــلـــب باالمواجــع مــثـل تـقــليـب المـراجــع....=كــل...مــالــديــت وجــهي ضـــاقت هــدومــي عــلــيـــا...
والــلــه...انــي مــن كــثرهــمــي تــعذرت الــمضـــاجــع...= اكــره...الـلـيــــل واخــافـــه والنهــــــار اردى شــويـــــا...
ادري...انــي شــفـت مـــوتي بــــس مــايمدي اتــراجع =هــي...كـــذآ..يــا اهـــل الـعــرفــه اوكـــذآ..الميته هنيــــا...
يطعـــنك...شــخــصٍ تحبه فــي غــرامـه كـنت ســاجــع..= يــذبحــك...فجــأه قــبل لا انــــك لطــعناتـــه تـــهــيـــــا...
آآآه...يــا سـنيـنٍ مــضـت لي يـوم لـيـل الـحـزن هــاجع...=كــنت...انــام اللــــيل بــدري وكــل حــلمٍ فــي يـــديـــا...
وآآآه....مــن ظـــلم الـزمــان ومـن قــهـرمنـهويــواجـع...= هــدنــي...مــثل الــمبــاني دمــر الــهــقـــوات فيــــــا...
اتـــحــرى...لي زمـــآآآنٍ يصــبح الــمفجوع فـــاجــع...= وقــتــها...تــعرف بنــفسـك لا جــمحـت بـنت الــعبيــا...
ولــو...يـــزيــــدن الـــجروح ولــويــزيــدن المــواجع...= مـــا...رجعت اللــه وامــآنه لــو تـحب ذيــك الـثـريــا...

يجيبك الله

يــجـــيبك....اللي جــاب يــوسـف ليـاعقــوب........=..ربٍ...يــخـــافــونه جمــيــع الــبــريـــه...
يــجـــيبك...الله واكـســـبك ذنـــب وآتـــوب...........=دامــك...خــطيــــه حيـــها من خــطــيه...
شـفــت...انت لــو تــجمـع ثــمــانين عذروب..........=ولــو...زدتـــها عشـــرين وتصير ميــــه...
ولــو...كل عذروبٍ يســـاوي لـــــه ذنـــوب...........=ولــو...كل ذنـــبٍ منـــك بألفيــن سيـــه...
ولــو...كــنت جرحٍ كـل مــا اوجسته اذوب............=.وتــذوب...روحي منــك والنــار حيــــه...
ولــو...كــل عــرقٍ مـن سبــايبك مكبــوب.............=يصــب...دمــه وســط قــلبي شــغيـــه...
ابــيــــك...لــو كــلك متــاهــاااات ودروب..............=لــو...كــل دربٍ اســلكــه مهــمــهيــــه...
ابــيـــك...لــو كــلك على بعــضك ذنــوب..............=مـعـك...الخــطيــه مــا اعتبرهــا خطيه...