ديوان الشاعر ::: بندر البجيدي :::

[بندر البجيدي]

	ديوان الشاعر بندر البجيدي

مقدمة

(( كم لي من الفخر وانا اضع بينكم هذه الابيات البسيطة المتواضعة
اللتي تعبر بها روحي في هذا الصرح الشامخ
< شبكة ويلان العربيه >
لعلها تلامس قلوبكم الطاهرة وتقبلوا شكري وامتناني للجميع ))

بندر نغيمش البجيدي

[بندر البجيدي]

ياشوق

ياشوق حبك شي ومقابلـك شـي=وأغلى من الشيئين عندي عيونك
اليا نظرتي دنيتي تنقلـب ضـي=من عقب ماهي مظلمه دوم دونك
بعدك شقاوة وأقترابك لـي الفـي=ودي بعطفك والمصيبـة جنونـك
لاتتركين النكـادة والغثـى بـي=وأنـا أحبـك خايـفٍ يبعدونـك
حبي تجاهك مثل ماتعشقـي مـي=اللي قبل عرفي هي اللي تعونـك
يامن غرامك طاوي الحال بي طي=تلعبّي الذكرى في بأجواء كونـك
كتبت لك من روعة الدلعنـة فـي=أحلى كلام الحب وتسمعه أذونـك
وانا لك الله خطوتـي زي ماهـي=قلبـي لقلبـك حالـفٍ مااخونـك
اشوف موتي في عيونك وانا حي=دخيل ربك ارحمي مـن يصونـك
والحاسدين الكثّر أغلبهـم العـي=الناقصين اللي احسدوني يبونـك
حتى الكلام اللي يجي بسيرتك سي=اعلـم بأنـه قصدهـم يظلمونـك
ملاك بعيوني واذا زادوا شـوي=يكبر غلاك اللي دمرني شجونـك
لا لا تقطعي عن زهر حبنا المـي=أخاف يذبل والسبايـب ظنونـك
وختامها قد قيل آخر دواء الكـي=وأنا دوايا يوم تهطل مزونـك

[بندر البجيدي]

الشعر العذب

الشعر جوهر من ذهـب=وشف صاحبه أكبر دليل
يضفي للإبداع العجـب=ومافيه عنده مستحيـل
وإن كان يزريه الصعب=يعجز على بدع الجزيـل
أقول ونفسـي ماتحـب=أقصد وبالآخـر هزيـل
كل الشغايا لـه مصـب=في وادي لامنّه تسيـل
ولاشفت نفسي منطرب=عديت في راس الطويل
والشعر لا اقبل يهـب=ويحس به جسمي النحيل
أستقبله بصـدرٍ رحـب=وتصير روحي له مقيل
وتلقاني واقف بالغصب=كلـه عشاني مااميـل
أتعـب ولكـن التعـب=ألقى وراه امن الحصيل
انظم من الشعر (العذب)=ومن روعته ماله مثيـل
واكتب لي شيٍ ماانكتب=بالنصح وإلا في خليـل
ومابي المجامل والكـذب=لإنـي باالواقـع نبيـل
ومتجنبٍ شعر النصـب=اصيل ومن ساسٍ اصيل
وأما القريحـة ماتطـب=في شي وترجع بالقليـل
شفني تجاوزت الصعب=ونجمّت بالشعر الجزيـل

[بندر البجيدي]

الضيقه

أرجـوك يلـي تسألـن وش بلايـا=أبعد تراني من غثى الهـم مجـروح
أبعـد أبدفـن لـي همـومٍ خفـايـا=اللي خطرها هـدّد القلـب والـروح
والا أقولـك استـمـع هاالحكـايـا=عيشة تعاسة مـع تنهّـات والنـوح
عجزت اقـاوم ضيقـةٍ فـي حشايـا=تروح وترجع تاخـذ ايـام وتـروح
مااقدر اصدّه لادخلـت فـي حمايـا=تقلب حياتي كلـه احـزان وجـروح
تخرب لـي جـوي ويتعكـر هوايـا=وبأسبابه كبدي من قهرها تبي تفوح
أكـره مقابـل طيبـيـن السجـايـا=وأجنّب جلساتٍ بها ضحك ومـزوح
تلقاني جالس فـي هذيـك الزوايـا=كني صويبٍ بين الأعداء ومطـروح
ماغيـر أتمتـم وأتـأمّـل سمـايـا=إلا وهي عج وعواصيـف وشحـوح
مدري خطا منهـو او إنـه خطايـا=اللي جلعني منّهـا صـرت مذبـوح
ياليـت جيّتهـا (فـراق الصبـايـا)=إن كان افتح باب الاسـرار وأبـوح
بس المصيبـة لأمرحـت باالحنايـا=تصدح بي الضيقة وانا اجيك مفضوح
أبطلـب اللـي مايخـيّـب رجـايـا=وأبرفع يديني مع الصـوت مبحـوح
إنـه يبعّـد عـن طريقـي شقايـا=اللي بجبروتـه تستلـم لـه الـروح
وارجع اقـول انـا بـلاي بحشايـا=اللي تجينـي تمـرح ايـام وتـروح

[بندر البجيدي]

أغلى الملى

يااغلى الملى ودي أضمك بس ماهي في يدي=اللي يصدن عن دروبـك الفضيحـه والحيـا
أنا لي سنين آتعذب وانـت حادينـي حـدي=على المفـارق والتغلـي والمجامـل والريـا
لا يابعـد كـل الصبايـا ياغناتـي يابعـدي=لاتجحد اللي عاش عمره وانت شمسه والضيا
تصدق ان قلت ان حبك انولد مـع مولـدي=وتصدق اني اخلصت له مثل الرجال الاوفيـا
الغالي مثلك لو تغلى افديه وش لي باالـردي=عساك فدوة للي اسمه ريم او شوق او هيـا
بس المصيبة فيك تـوك باالمحبـة مبتـدي=ماتدري ان الحب كوكب من سكن به ماحيـا
ماتذكر اني يوم جيتك وانت ياالغصن النـدي=تنظر لي نظره وانا جالس وسط موتر الكيـا
ماكني إلا شعـب وافـي للمليـك ومهتـدي=وماكنك الا مجرمٍ حـرب أو عصابـة مافيـا
أسرتني وتامر على وانا اجـي باالموعـدي=أصبحت لـك جنـدي وانـت قايـدٍ للألويـا
مير البلاء إنك جهيـلٍ باالمحبـة ومبعـدي=يطري علي ابعاد نجدٍ عـن بحيـرة طبريـا
وإن الغلا من يمكم جافٍ وناشـف اسـودي=أشبهه في ربعنا الخالـي وصحـاري ليبيـا
مدري أحاكـي الثريـا وإلا أشكـي للجـدي=بأن حبـك ورّد قليبـي علـى حـدود الغيـا
بس المهم لأجلك سلكنا كـل دربٍ جرهـدي=ولأجلك سكتت .. الا فعلت اللي فعلوه الاشقيا
كله عشان عيونك الخجلـه ترانـي مقتـدي=بدربك اللي مـن مشيتـه كلـه حيـودٍ ويـا
اشهر حب احتضنته من عادني وسط مهـدي=تأكد إنك نبض قلبي ومافيـه غيـرك أخويـا

[بندر البجيدي]

فاقد حنان

حسن ترى هالزين أذهل لـه عقـول=وأنـا لاشفتـه قمـت أبـاري جنـونـي
خصٍ لامن ضمّت حلاها مـع الطـول=وردوف تبـهـر ساطـيـات العيـونـي
لاتلـوم عقلـي لاسـرى تـالـي لـيـول=الـلـي بجـمـالـه يـطـربـن اللـحـونـي
من شاف حالـي والعنـى قـال يحّـول=وجرح الهـوى حطّـم مفاهيـم كونـي
قلبي من اسباب الغضي صار معلول=مابيـن واقـع حـب وايضـا ضنـونـي
يذكـر حيـاةٍ عـاشها بنـفـد وسـهـول=ويـذكـر حـيـاةٍ عاشـهـا باالمـزونـي
ويذكر غرامٍ عايشه حول مـع حـول=ويذكـر غــرامٍ عايـشـه باالطعـونـي
متكسفٍ في صفحـة العشـق مذهـول=مهمـل وحالـه مـثـل حــال البـدونـي
وانـا علـى رجـم الغـلا دوم محـبـول=لـلـي عـلـى نـحـره تـفـل الـقـرونـي
اتـوه لاجـا ملاخـس العـيـن وأقــول=عـــز الله انـــه قـربــوا يـدفـنـونـي
ماقـدر اقـاوم سكـرة الحـب مـع ذول=الفاتـنـات الـلـي بحيـاتـي دمـرونــي
هــذي طبيـعـة حالـتـي دوم منـقـول=بيـن الحـيـاة وبـيـن لـحـد الكفـونـي
واشيب عيني كـل ماشفـت لـي زول=قـمـت آتـذكـر هاالـغـنـج والفـتـونـي
فاقد حنان .. وعبرتي تثقل القـول ؟=هذي الحقيقة وانت من يفهموني !!

[بندر البجيدي]

ناحل الخصري

مريت صدفه وبالي دالـهٍ مسـرور=على بيوت الحبيّب ناحل الخصـري
أثر الغلا بالمحاني مستحيـلِ يبـور=اللي يبور الوليفه لاعلنت حصـري
على التواصل معاها والجفى والزور=وعلى المواعيد عقْب قهيوة العصري
يامنعشة قلبي كِفى لايجيني جـور=ياعل يفداك ابلاد الشامي والمصري
تدرين إني على مواصلْك أنا مجبور=لكن أشوفك كـذا بالـود تقتصـري
متى على الله أجيلك والبخت مبهور=وتقولي أرحب هلابك نوّر القصري
هذي أماني ولكـن مالفاهـا النـور=أصبح بها الحب أعمى فاقد البصري
ليش التبادل معاكم دايـمٍ محظـور=أبي خُلاصة غرام الكذب واختصري
تقول طبعي كذا أبكشف المستـور=واقفت تضحّك وترفع راية النصري
وقعدت أواسي واقول لقلبي المكسور=البيض قبلك عذاب لمحسن وبصري