نادت بعالي صوتها قلت سمي=سمي عسى الداعي بليل الدجا خير
قالت لي فزق بين سمني وسمي=قلت اختلط بالعين يالاقيت خير
بس ابشري واللي تبينه يتمي=قالت عجل قلت ابشري دون تاخير
نخوة وفي بها الوفي مستهمي=دمعة يمامه وانتخى دونها الزير
وحطتيها مابين زندي وكمي=وحميتها عن الهواء والمعاصير
وجبت الشذى من مانتجه قلت شمي=ريح الحياه اللي تبيها الطوابير
قالت بدوي قلت البدو ماتذمي=طبعي ولا دورت للطبع تغيير
دام البداوه مهد جدي وعمي=حفيدهم وريث للشر والاخير
رضعت حب البدو مع درة امي=وحب الكرانه والدلال المباهير
الاخ الفاضل المطردي
صح لسانك وسلمت يمينك قصيده ممتازه تستحق الاشاده
تقبل تحياتي واحترامي
13/08/05, (01:41 PM)
العرض الشجري