إلى المعازيب أهل المنتدى !!

[هيـاا العـازمـي]

المشاركة الأصلية كتبت بواسطة هلال بن مزعل العنزي

شاعركـم هـلال يا حظه بجمهوره=يــا بـخـت صمـتـه وتـرديــده لقيـفـانـه
الفوضويّ بكتاباته وبشعوره=إنسان يملا القصيد بهمسة ألحانه
غاوي مآسي فقير الحظ وظهوره=في ساحة الشعر يمكن يبعد أحزانه
هادي وراكد ولكن لحظة الفوره=تنتابه أهوال تلغي نظرة إمعانه
عساني أرضي بكم هالحـب وغـروره=وأروض الحـزن وألعـن جـد شيطـانـه
واستلهم البوح من عنده ومن جوره=ذاك المقيم بخوافي شاعر إجنانه
وأبدى آتغلّـى علـى الغاليـن والثوره=مناسـبـة ضيقةٍ والـنـفـس زعـلانــه
يـا حشرجتـهـا بقـايـا الــروح مقـهـوره=ياصهللـتـهـا دموع الشــك ولـهـانـه
يا كرنفال الجروح وصهللة زوره=إيقاع صمت ٍ هزمني وأطلق إعنانه
يـا سـادة الحفـل نـار الحـب مخـبـوره=والعشـق يـذبـح وأنــا التلمـيـذ ربـانـه
وأستاذ علم الهوى وإن شئت دكتوره=باحث تخصص بكبـت الوجد وإدمانـه
الكبرياء ويقين أحلام مغموره=والفلسفه والعواطف أصدق بطانه
للمستلذ بجحيم الهجر ودهوره=حالة ضما هزّت التعبير وألوانه
والـحـظ بالـحـب والأسـهـم وبالـكـوره=يستدرك الصبر واسأل من فقد خانـه
ووليم شكسبير صـور وأبـدع الصـوره=مسائـل المجتـمـع جـوعـه وعصيـانـه
والعاطفه مشكلة من حس بحضـوره=في هامش المنتظر في غيبة أزمانه
والتقـنـيـه ألـبـسـت أكـوانـنـا عــــوره=كـودو وببسـي ومـيـة ألــف فنـانـه !!
يـا للحضـاره وشــرع التـبـغ دسـتـوره=فضـاء الأوهام يشكـو هـجـر سكـانـه
معليش أنـا فاقـد التركيز مـن جـوره=زمــان ٍ أنـهـك قـيــم والـكــل خـوانــه
أعـود أهنـي ألـم شـعـري بجمـهـوره=وأهـنـي هــلال فــي تكـريـم قيفـانـه

.
.

الله الله الله عليك يا هلال بن مزعل العنزي

إبدااااع طااغي يا طويل العمر

عزالله انها الساعة المباركه يوم شفت فيها حروفك

لله درك

شاعر لك بصمتك على الخارطة الشعرية

يصح لسانك مدد بلا عدد

والقصيدة شموخ وكبرياء ورفعة وعزة

كفووو يا هلال

مو غريب أبد على عيال وايل

تقديري

هيــــاااا