خلف المشعان يرد على ابن فطيس.. - °~*¤®§(§ شبـــكة ويــلان العـربـيـه §)§®¤*~ˆ°

**صالح العرجان** · 05/04/08, (07:08 AM)

عبر وكالة الانباء أطلق خلف المشعان عنان الحرف
ردا منه على ابن فطيس .

مانيب من ياتي على شان يدرون
أنا الذي يدرون به قبل ياتي

نجمي سطع من غير بيرق ومليون
قليل في جيلي يسوي سواتي

ماجيت أهايط بس لازم تعرفون
مازعزعت بعض السوالف ثباتي

لو شلت في قلبي مثل مايشيلون
ماكانت الطيبة من ابرز صفاتي

يامحمد ابن فطيس وش فيك مشحون
ماخطيت يوم اني حسبتك لقاتي

ابـ اطفي الفتنه وابي انشدك وشلون
اسلم من الضيعه واجمع شتاتي

الناس معها عقل ، ولسان ، وعيون
وقدامهم كزيت يمك وصاتي

ماجيتك ببيت مع الشعر مدفون
جيتك على وضح النقا ياغناتي

ماني من اللي في قفا الناس يحكون
عيب على الحق خويي حصاتي

اللي ليا قفيت عنهم يهدون
ماهم بكفو لرجعتي والتفاتي

سكرت اذاني عن وكالة يقولون
وذكرت لي بيت يفسر سكاتي

الله يجيبك من بعيد اليا دون
والله يحطك باللقا من تلاتي

وسلامتكم

**نايف الفدعاني** · 05/04/08, (07:26 AM)

انتظرناها طويلا

صح لسانك صالح ولسان ابو موسى

تقبل مروري

اخوك

نايف الفدعاني

**هبوب العنزي** · 05/04/08, (07:33 AM)

بسم الله الرحمن الرحيم

نجمي سطع من غير بيرق ومليون
قليل في جيلي يسوي سواتي

صح لسانك يا خلف المشعان شاعر كبير قبل برنامج شاعر الصفر وبعده وبيرقك الحقيقي حب الجمهور

ورحم الله امروء عرف قدر نفسه يابن فطيس

تقبل تحياتي اخي صالح ودمت بود

**اميرة الحرف** · 05/04/08, (07:59 AM)

والله يحطك باللقا من تلاتي

كلهم يتلونك يابو موسى مافيها شك

صح لسان ابو موسى
وسلمت يمينك خالي على نقلها من جد انتظرناها

عيوووف

**خالد المزيد** · 05/04/08, (09:19 AM)

خلف المشعان

بيض الله وجهك وكفيت وفيت

اذا غيرك كسب البيرق انت كسبت الطيب

راىع بكل اوقاتك

وصح لسانك مليون

**محمد الجزاع** · 05/04/08, (06:47 PM)

ونعم يا خلف

والله كلنا تضايقنا من بيت المري

ماجيتك ببيت مع الشعر مدفون
جيتك على وضح النقا ياغناتي

صح لسانك يالبناخي