من ماغلط ماقال صـح بحياتـه
ترىالغلط والصح لازم يصيرون
لولا الغلط والصح فـي كائناتـه
ماصار بالعالم محاكـم وقانـون
ولاكـل حـي محققـا لامنياتـه
ولاكل مايحصل به الناس يدرون
حتى الغني ماهو سعيـد ابغناتـه
ولا الفقير بكل الاوقات محـزون
نبـي نفكـر قبـل ذم وشمـاتـه
ونبي نشوف الناس وشلون يمشون
وكـل تـرى فعلـه يحددصفاتـه
وفي مافعلت الناس لابد يحكـون
بعض البشر همه على قـد ذاتـه
ينظر بعين ولا ذكر نظرة عيـون
بمراقبة خلـق الله اشقـى حياتـه
بالحسد لاهل الخير مغرم ومفتون
مهموم في دنياه حتـى بصلاتـه
ولا يقتنع لو يمتلك للـف مليـون
وان جاه داعي خير لو من زكاته
اصبح فقير وضاق به واسع الكون
مايستطيع لفعـل خيـر بحياتـه
محروم من دنيا بها صار مغبون
وبعض البشر فعل المكارم مناتـه
وقت اللوازم في يدك سيف مسنون
حب السعاده للبشر مـن سماتـه
وايضا بعد حتى البشر له يحبون
وبعض البشر مسكين غط بسباته
لافيه خير ولاله النـاس يرجـون
والزرع من بذره تحصد ثمراتـه
من يزرعون الورد للورد يجنون
محمد المقبل .............
ابو ساره .. صح لساااااااااااااااااانك مليون ولا يكفون
ابدااااااااااااااااااااااااااااااااااااااااع لأخر رمق .......
عاداتك راااااااااااااائع
جزززززززززززل جززززززززززززززل
دمت بدائرة الإبداع
17/08/05, (02:44 PM)
العرض المتطور
