هذه القصيدة مع التحيّه إلى الأخ عبدالله الثابت

[الصقار]

المشاركة الأصلية كتبت بواسطة ماضي الصبر

خمسة سنين وحول سادس غلاقه=على وشك كنّي بمرمى تفافيق
طعم العسل بالكبد مرٍ مذاقه=من هاجسٍ يلعب بكل المعاليق
يلعب بها لعب الوغد بالتفاقه=يابن فضي ماكن حولي مخاليق
بلاش ندخل بالعلوم الدقاقه=دنيا الفنى هذي حضوض وتوافيق
وأنا صديق اللي يعرف الصداقه=عليّ لطّيب عهود ومواثيق
بيني وبينك ياعزيزي علاقه=أقدم من التاريخ وأكبر من طويق
وأنا المنافق ماشغلني نفاقه=حتى إيش لو رققلي الهرج ترقيق
فرقاه عيد وعيد قلبي فراقه=ماننخدع حنّا بكثر الزباريق
بيني وبينه لو يحطون طاقه= غلّقتها ياصاحب العرف تغليق
هذا ومثله مابحيله لياقه=ماله نصيب مع الرجال المطاليق
مخّه عجين وخافقه قلب ناقه=ودّك تسوّيله بالاسواق تسويق
وأحيان لاداعي لبعض اللباقه=وأكثر من اللي قلت مافيه تعليق

ماضي الصبر .....شكراً على هذه الرائعه التي امتعتنا بها الف شكر
تقبل فائق احترامي ودمت بخير