المشكله ياصرت بين أختيارين - °~*¤®§(§ شبـــكة ويــلان العـربـيـه §)§®¤*~ˆ°

**هندي المقبل** · 16/09/08, (09:58 PM)

........................
.
.

(المشكله ياصرت بين أختيارين = مستقبلك وإلا حبيب ٍتوده)
بيتاً لبن مانع حفظته من أسنين = من كثر ماجتني مواقف وأعده
المشكله ياصرت مابين نارين = شخصٍ جفاك وقلبك الي يوده
ما أنته مخير بين واحد من أثنين = تجزم على واحد والآخر تهده
لو كان ما أخترته يبي يجلب البين = لابد ماتنساه لو بعد مده
مار البلاء محصور مابين أمرّين = مابين ذاك وذاك روحه ورده
تقّرب له بخطوه ويبعد بثنتين = وقلبك عصاك أتصد من شأن صده
ياعين لا ياعين ياعين ياعين = لاتذرفين الدمع فوق المخده
ماني معودك البكاء كيف تبكين = لو طاح دمعك منك يمك لأرده
همي بقلبي كاتمه ليه أسنين = والقلب لايمكن ترى يبيح سده
ولاشكيت الا لعدل الموازين = رب العباد وكل أمراَ بيدّه
واللي يقول الهرج من غير تثمين = ما أعطيه فرصه بأني أكون ضده
مادام ماعنده لقوله براهين = الصمت أبلغ من كلامٍ أرده
والصاحب الي صحبته بس يومين= راعي نفاق وصحبته معك جده
لأجل المصالح قال تأمرعلى العين = ويعجبك في قوله ومدات يده
ومن يوم يقضي لازمه يظهر الشين = ويدوّر الغلطات ويقلّ وده
أرفع مقامك عن مقام الضعيفين = ترى الرجل يعرف من الناس نده
بعض العرب يحسب حساب المجانين = لامعطياً حقاً ولا حق رده
خلك مع اللي كل الاوقات وافين = وأبن الردي عسى الولي مايرده

السيف القادم

**الصقار** · 16/09/08, (10:17 PM)

هلا بالقصيد الجزل
هندي المقبل ..لاتحتاج مني تعليق ولاكن انا هنا لتسجيل اعجابي
الف شكر على هذه الراقيه
تقبل مروري مع جزيل احترامي

**masha3el ** · 16/09/08, (10:23 PM)

واللي يقـول الهـرج مـن غيـر تثميـن
مـا أعطيـه فرصـه بأنـي أكـون ضـده
مـــادام مـاعـنــده لـقـولــه بـراهـيــن
الـصـمــت أبــلــغ مــــن كـــــلامٍ أرده
والصاحب الـي صحبتـه بـس يوميـن
راعــي نـفـاق وصحبـتـه مـعـك جــده

صح لسانك اخوي هندي المقبل
قصيده رائعه وجزله
تحياتي ومودتي

**هبوب العنزي** · 16/09/08, (10:36 PM)

بسم الله الرحمن الرحيم

عزيزي السيف القادم لاتعليق على القصيده فقد لمست ابياتها وحروفها خفايا الروح.

لأجل المصالـح قـال تأمرعلـى العيـن
..... ويعجـبـك فــي قـولـه ومـــدات يـــده

.ومن يوم يقضي لازمه يظهـر الشيـن
..... ويـــــدوّر الـغـلـطــات ويــقـــلّ وده

صح لسانك ولاهنت تقبل مروري تحياتي

**طلال الايداء** · 17/09/08, (01:23 AM)

صح الله لساانكــ

اخووووووووي هندي

وفي انتظااار الجديد ان شالله

اخووكــ طلال الايدااء

**خلف الغريب** · 17/09/08, (03:21 AM)

روعة لا تضاهى اخوي هندي ..

الف صح لسانك على هذه الجزلة ..

مـار البـلاء محصـور مابيـن أمـرّيـن
..................مـابــيــن ذاك وذاك روحــــــه ورده
تـقّـرب لــه بخـطـوه ويبـعـد بثنتـيـن
...............وقلبك عصاك أتصد مـن شـأن صـده
ياعـيـن لا ياعـيـن يـاعـيـن يـاعـيـن
.................لاتـذرفـيـن الـدمــع فـــوق الـمـخـده
مانـي معـودك البـكـاء كـيـف تبكـيـن
................لــو طــاح دمـعـك مـنـك يـمــك لأرده

حقيقة توقفت عند هذه الابيات الرائعة ..

لله درك ولا عدمناك يا ابو سيف..

**ماجد الغانم** · 17/09/08, (03:39 AM)

الأخ العزيز

هندي المقبل

صح لسااانك ...ولاهنت

قمة الجزالة والأبداااع ......من اول حرف الى اخر حرف

قصيدة نابعه من احساس صادق ...لله درك ولا فض فوك

قصيدة ستتصفحها الأجياااال على مر العصور

دمت بكل خير ...ودام هذا التميز

تقبل جل تقديري واحترااامي