ممكن فكره يالغاليات

[هبوب العنزي]

هند بالنسبه لي الطبخ هوايه امارسها من حين الى اخر ..


بس تبين الحقيقه طباخه ماهره في بعض الاشياء فقط يعني لو تبين اطبخ لك ذبيحه ماعندي مانع


اعرف والكبسات والمرقوق والمطازيز والخميعه وجميع انواع المحاشي وهذا بفضل الله ثم



بفضل امي رحمها الله لكن معجنات حلى


ما اعرف عجزت وربي عجزت <<<لان امها ماعلمتها


الوكاد ياهند انا حاظره بالاكلات الشعبيه والمحاشي وكل شي لكن مقدر افيدك بالحلى والمعجنات..



ولك مني احلى طريقه لعمل طبخه تستفيدين من ناحيه الخبز الباقي بالبيت والدجاج الباقي من الطبخ


هذي انا مخترعتها ومسميتها بالبيت ( فتوش بالرز)


هذي الطبخه مفيده جدا وسهله .وتقدرين تسوينها يوم يتبقى عندك (دجاج وخبز)



تسليقن الارز يكون رز ابيض طبعا..


تجيبين الدجاج المتبقى من وجبه اخرى يعني ( باقي الدجاج الى محد كله) بالطبع تكونين


حافظته بالثلاجه يوم تطلعينه تغسلينه وتاخذين اللحم فقط وترمين العظم وتقطعيه صغير صغير


وبعدين تحمصين بصل وصنوبر وجزر مبشور مع بعض وتظيفين ( الدجاج ) يكون مثل الشورما تقريبا


وتحطين بهار عليه وملح بعدين تقطعين زهره وبطاطس وبادنجان قطع صغيره وتحمريها بالزيت


وتصفينها ثم تجبين باقي الخبز المتبقى عندك بالبيت خبز( مفرود) تقطعينه مربعات وتحمرينه


حسب الكميه الى تبينها وبعدين تصفينها وتضيفين الخظار للدجاج ثم تحطي الخبز المحمص على

الخلطه عاد تصيرين مجهزه بقدونس وخس وخيار وتضيفينها للخلطه بعد هذا تحطين الرز


بصحن وثم الخلطه فوق الرز وبالعافيه..


بكذا يصير الدجاج الى تبقى من اكلات ثانيه استخدمتيه بوجبه اخرى


وايظا الخبز المتبقى عندنا بالبيت..


وهذي اول طبخه تحث على توفير الدجاج والخبز بدل رمي المتبقى منهم في بعض الاكلات..




يارب تعجبكم