ماعمرها ضاقت مثل ضيقة اليوم

[خلف الغريب]

المشاركة الأصلية كتبت بواسطة سعود محمد الايـــداء

لطهر أرواحكم أهدي هذا النص المتواضع

متمنيا أن يرقى إلى هامات ذائقتكم

خلينـي ارقـد ياحنـيـن الامـاكـن=مبطي وانا من هالمكان اطلب.. النـوم
هذي سنه جرحـي بالاعمـاق ساكـن=وانا مشرد ضايـق البـال.. مهمـوم
ياعيونـي الدنـيـا فرح..لاتبـاكـن=دام الشقا من بين هالنـاس.. مقسـوم
ماهو خطاي الدمـع ..هـذا خطاكـن=لاني تعبت امشي وانـا اطيح..واقـوم
ماقـدرت صـدق النوايـا وفـاكـن=لومارضيتن لي على ضعفـي ..اللـوم
وياالمقبلات من العمر...وش وراكن؟؟.=عشان ابيح اللي ورا الصدر..مكتـوم
هاليـوم هـذا بيـن الايـام داكــن=رغم انتصاري..طحت بيديه مهـزوم
دايم..يضيق بوجهـي الكـون لكـن..=ماعمرها ضاقت مثل ..ضيقـة اليـوم

محبكم



سعود الايداء

خليني ارقد ... يا حنين الاماكن ...مبطي .. وانا من هالمكان اطلب النوم

شاعرنا العذب سعود الايداء ...

ارحب فيك مرة اخرى في شبكة ويلان العربية التي تزدهي بوجودك مع مجموعة من المميزين شعراء وكتاب وشاعرات وكاتبات..

حضور اقل ما يقال عنه انه .. آآآآآسر ..

خليني ارقد ... مطلع عذب جعلني اعيد كتابة البيت الاول بدون شعور وهكذا يستمر الجمال حتى النهاية ...


وياالمقبلات من العمر...وش وراكن؟؟.....عشان ابيح اللي ورا الصدر..مكتـوم


الله يا سعود لو نعلم ما وراء مقبلات الليالي ..

لو عندنا من غيب الايام رسة ... الادمي مصلوح نفسه يدله ..

صاغها قديما محمد بن شعلان وهاهو يصوغها في قالب آخر سعود الايداء بجوهرة لا تقل ثمنا عن الجوهرة الاولى ...

استميحك عذرا لردي المتواضع واتأذن اخواني المشرفين بالتثبيت لهذا الجمال ..