وين أنت ؟؟

[محمد المقبل]

المشاركة الأصلية كتبت بواسطة سعود العواجي

بدون مقدمات ،،،

وين انت ياللي مطول غيابك بداعي الاعتذار = وتركتني مابين هل .. وربما .. وإلا ياليت
كم قلت لك من كم شهر اكره مااشوف الانتظار =وهذا انت تقرب لو بغيت وتبتعد لو مابغيت
وانا اتأمل جيتك يمي وانا طايح بنار =مابين جيت وبين رحت وبين رحت وبين جيت
اليا متى والصدر ضاق بغيبتك والدم فار =واليا متى وانا بحضن الليل مااعرف المبيت
ارجوك لاتطلب فراقي وانت بيديك القرار = وفي ظرف لحظه تقدر تفارق ليا منك نويت
اصلا ً ليا منك نويت تغيب غبت بلا خيار = ولاهمك اصلا ً لو اصير بغيبتك "انسان ميت"!
قساك اوضح من ضياء الشمس في عز النهار = واكبر من حضور الاسى فيني اذا انك مادريت
تدري متى حسيت نفسي طحت بااصعب اختبار = يوم انتهيت وقلت اببدا فيك من حيث انتهيت
ايه انتهى حلمي بعد مااغتيل واللي صار..صار = وخذيت منك اللي يطيّب خاطري ولا اكتفيت
لك باالحنايا موطن وداخل شراييني ديار = ومن وين ماوجهت تدخل في عروقي بيت ..بيت
لك شوق يالولا ضلوعي كان مبطي القلب طار = هذا وانا اصارع غلاك بكل حيلي واستميت
جربت وش يعني الهوى لاعشت ضيقه وانكسار = لاصار يدفعك الغلا وتجابه الشوق المميت
حاولت اطولك لكن يديني من الفرقا ..قصار = عطيت قد اللي خذيت ولا خذيت اللي عطيت
واليوم رغم اني تكبدت الشقا باالانتظار = ببقى احبك وانت تبقى في خفوقي ماحييت

أخوي الغالي : سعود العواجي

صح السانك وبكل تأكيد شعرك لايحتاج مقدمات

لأن الشعر الحقيقي هو الشعر الي ياصل للمستمع بطبيعته كاشعر سعود العواجي

شاعر مبدع دائماً يابو صالح

صح السانك مره ثانيه بلاحدود

تقبل تحياتي واعجابي بهذا النص الرائع