حتى الجبل لو ما تهزه معاصير ** تنحت متونه من سطارة هواها

[سالم صالح]

المشاركة الأصلية كتبت بواسطة سعد النفج

قصايدي عدت ابشركم بخير=واسقت رياض الشعر في محتواها
واليوم ابكتب لي قصيده بعد غير=علّ الضما يجفل ليا هل ماها
شاعر و اعرف ان المصايب مقادير=لكن قوي الصبر يتعب مداها
وانا تعبت من العنا و المشاوير=وتعبت من جدب الدروب و غثاها
ليا دلبحت روس الرجال المناعير=قل لي من اللي سالم ٍ من عناها
حتى الجبل لو ما تهزه معاصير=تنحت متونه من صطارة هواها
و الصبر مفتاح الفرج و التباشير=حكمه مفاتيح القهر من وراها
صبرت و متوني تشيل المخاسير=متون شيخ ٍ وقفته ما قواها
اسلا و لالي بالليالي مسايير=ما غير نجمه ساطعه في سماها
تشرب دلالي بين حشمه و تقدير=و امد كفي و ابتدي من غلاها
و سالم كتب له من قوي التعابير=سالم ابن صالح و فكري قراها
( شفني جبل من سبتك ياعصيفير)=شطر ٍ حفظته يوم سالم بداها
تسلم يا بو دانه/ عسى ايامك بخير=دليت واحد وجهته مالقاها
اثبت بإن الصبر شمس المشاوير=و ان الثقه عز الرجال و غناها

الرائع والمبدع ومشرفنا الراقي


سعد النفج



صح السانك على هذه الرائعة والباذخة بكل صراحة فانت مبدع وجزل ولاتاتي الا بالجزالة


تسلم يمينك على هذه القصيدة الفريدة بكل معانيها ومفرداتها


وانه لشرف لي ان يضمن المبدع /سعد التفج -- بيت من ابياتي وهذا بلا شك وسام على صدري مدى الحياة


واشكر الاخ العزيز والشاعر المبدع / ماجد الجعفري على هذا الثناء وجميع الاخوة واحببت ان اصحح البيت الذي ذكرة الاخ ماجد والاصح هو


شفني جبل من سبتك ياعصيفير --- سبحان ربٍ ملهم اللي كواني
هذا انا في وسط كل الاعاصـــير --- ثابت مكاني ماتزحزح كيانـي



بيت ارجو ان يكون تقديراً للاخ ســــــــــعد

تسلم يمينك ياسلالة اساطير --- يامنبع الخوة وصافي سماها



تقبل تقديري وشكري لاعدمتك