بــنــود الــصــداقــه

[منصور الجلعود]

بسم الله الرحمن الرحيم
السلام عليكم ورحمة الله وبركاته

اليكم هذا النص المتواضع على أمل أن ينال استحسانكم:

أدنيت عدوانك وباعدت مغليك=مدري جهل ولا غرور وحماقه
وش فيك يابن الناس وش جاك وش فيك=صداقت الأنذال ماهي لباقه
من صادقك للهون للهون يرديك=يرديك لو زانت معاه العلاقه
اللي عن الطاعات والخير يلهيك=ان طعتني اذبح لفرقاه ناقه
واللي يجرك للردى والتهاليك=ان طعتني جره ونشف رياقه
واللي يبي قلوب الخلايق تعاديك=ان طعتني عاده وقطّع وثاقه
واللي حكا بغيرك وهو حاكي ٍ فيك=ان طعتني تركه لمثلك وفاقه
واللي يتضيمى لجل يشرب من يديك=ان طعتني حرم عليه الذواقه
واللي يتميلح لك واذا غبت يهجيك=ان طعت شوري لاتمالح مذاقه
واللي يتضيحك لك واذا رحت يشنيك=ان طعت شوري ابتعد عن نطاقه
واللي يبي يوذيك بالدين ويجفيك=ان طعت شوري لاتِسّلفه طاقه
واللي يبي بدرب الكفالات يرميك=ان طعت شوري لاتطيح بزلاقه
واللي يبي يخشرك بالنوق ويشكيك=ان طعت شوري لاتخاشر نياقه
واللي نواك بسو ماهو مصافيك=اما جزاك بسو ولا بعاقه
الحر يبقا حر مافيه تشكيك=والتبع تبع ولا يغرك نفاقه
يافلان جاك النصح من قلب يغليك=نصيحت محب ٍ بقلبه شفاقه
خذها قبل تصعب عليك المساليك=من صادق ٍ يبغا عدوك فراقه
ولابد ما سود الليالي تمسيك=وتذكر كلامي عن بنود الصداقه
وآخر كلامي ياعسا الله يهديك=النصح لامن فات صعب ٍ لحاقه

,

[ماجد الغانم]

الله ..الله

الغاالي

منصور الجلعود

حضور شعري رائع

صح لساانك ..ولاهنت

على هذه القصيدة الوافيه

التي تحمل بين طياته النصح الصادق

بيض الله وجهك

عزا الله انك كفيت وفيت

دمت بكل خير ..ودام هذا الحضور

تقبل خالص تحيااتي

[أبو غرام]

خذها قبل تصعب عليـك المساليـك=مـن صـادق ٍ يبغـا عـدوك فراقـه
ولابـد مـا سـود الليالـي تمسيـك=وتذكر كلامي عـن بنـود الصداقـه
وآخـر كلامـي ياعسـا الله يهديـك=النصح لامـن فـات صعـب ٍ لحاقـه

مبدع دائما اخي كما عودتنا

لله درك وصح لسانك

ولاعدمنا جديدك وتواصلك العذب

اخوك ابو غرام

[سليمان الجعفري]

أدنيت عدوانـك وباعـدت مغليـك = مـدري جهـل ولا غـرور وحماقـه
وش فيك يابن الناس وش جاك وش فيك = صداقـت الأنـذال ماهـي لبـاقـه
مـن صادقـك للهون للهون يرديـك = يرديـك لـو زانـت معـاه العلاقـه
اللي عن الطاعـات والخيـر يلهيـك = ان طعتنـي اذبـح لفـرقـاه نـاقـه

منصورالجلعود

مبدع دائما اخي كما عودتنا

لله درك وصح لسانك

لك اجمل التحايا والاحترام

[خلف الغريب]

صح لسانك اخوي منصور وبيض الله وجهك على هذه النصائح الجميلة ..

أسلوبك جميل ورائع ..

لا هنت يا ابو جلعود..

تشرفت بالمرور هنا .

تحياتي..

[سعد النفج]

منصور الجلعود

صح لسانك

شاعر متمكن و نص رائع

ابدعت يا منصور

الله يعطيك العافيه

تقديري

[نافع عيد الجديد]

الاخ العزيز والشاعرالكبير بشعره واخلاقه

الاستاذ منصور الجلعود

صح السانك ملايين

ابداع تعانقه الجزاله

اسجل اعجابي

تقبل احترامي وتقديري