فهـــــــــــد العروبه رحــــــــــــمه الله - °~*¤®§(§ شبـــكة ويــلان العـربـيـه §)§®¤*~ˆ°

**سلمان الردسا** · 17/09/05, (09:05 PM)

اعتذر من التقصير في حق نشر القصيده بوقتها واعتذر من الجميع للغياب
كتبت القصيده صباح يوم الاثنين ذلك اليوم الحزين
والقيتها في امسيه مساء يوم الثلاثاء وانا لله وانا اليه راجعون
فهـــــــــــــــــــــــــــــــــــــد العروبــــــــــــــــــــــــه

فهد العروبه راح ياعيال وايل = منهو يعزي مملكتنا الحبيبه
مني عزى بلسان كل القبايل = نعزي السعود وشعبنا بالمصيبه
حاكم بلدنا راح عقب الاصايل = بعده فيافي نجد امست غريبه
مرحوم ياوافي العطا والمثايل = مرحوم ياقايد وطنا وذيبه
مرحوم ياتاج الرجال الحلايل = مرحوم ياراع العلوم العجيبه
مرحوم ياعقب الوفا والحمايل = مرحوم يانسل الرجال العريبه
يبكن عليك منقضات الجدايل = بنات نجد صابهن منك ريبه
تبكيك بنت لبسوها الخلايل = واللي بعيده منك واللي قريبه
تبكي عليك المملكه والدلايل = بعدك نشوفالكون شاحب مغيبه
تبكي عليك من الهجن الف حايل = عليك يبكن طيب ماهو غصيبه
يبكي الشمال ونجد وديار حايل = وغرب وشرق والجنوب انتهي به
تبكي رياض المجد ذرب الفعايل = اقفا وعزانا غيبته وي غيبه
الدمع ماينغع ولوه همايل = ولو سال لك يا امير واسع شعيبه
اقفا ابو فيصل فقيد الجمايل = عقبه فلا للعمر زينه وهيبه
مثله فلا والله تجيب الحلايل = راع الطباع الوافيات اللبيبه
راح وترك دمع على الخد سايل = عند الارامل واليتامى صبيبه
الله يامجد بقا امس طايل = واليوم نبكي وين وين انغديبه
قبل امس كان واصبح اليوم زايل = يومن فهدنا غاب كفه وطيبه
اقفا بعيد قفا وشد الرحايل = يالله بالفردوس يلقى نصيبه
نطلب له المولى عظيم الجزايل = جنات عدن ومغفره يامجيبه
اقفا ملكنا والعوض بالبدايل = عبدالله وسلطان الخلف نقتديبه
آل السعود وشعبهم في صمايل = دايم رجال العز تقوى المصيبه

سلمـــــــــــــــــــــــــــــــــــــــان الردســــــــــــــــــــــــــا 00000

**عبدالله الثابت** · 17/09/05, (09:47 PM)

اخوي سلمان بن خالد الردسا

كلي شرف ان اكون اول من قام بالرد على هذه القصيده الرائعه

والله يرحم المليك الراحل ويسكنه فسيح جناته

وماقصرت قصيده وافيه من شاعر وافي

تقبل تحياتي

**سلمان الردسا** · 17/09/05, (10:23 PM)

اشكرك لك المرور الكريم
والتكرم بالرد على القصيد
والاطراء الجميل
ودمت بخير لمن يحبك
اخوك سلمان الردسا

**محمد المقبل** · 18/09/05, (12:45 AM)

اخوي سلمان بن خالد الردسا

الف هلابك وصح لسانك على هذه الرائعه ورحم الله فقيد الامه الاسلاميه والامه العربيه وفقيد الشعب السعودي خاصه. واسكنه فسيح جناته أ نه هو السميع العليم

لاهنت أخوي على أتحافنا بهذي المرثيه الذي أوردت بها اروع مفردات الرثاء بتلك الشخصيه العظيمه

وصح لسانك مره ثانيه وسمحلى بتنسيقها ,,,

ولك كل الشكر والتقدير

**عبدالله الحجيلان** · 18/09/05, (06:56 AM)

الله يرحمه يارب

وصح لسانك ياغالي

**الواطي** · 18/09/05, (08:21 AM)

يــــاهـــلا بـــالردســــا يـــاوجـــه الشمــــال الطيب

عـــز اللــه مــــا عــدت الا الصحيــح

**شــامخ** · 18/09/05, (05:46 PM)

صـــح لســـــانك اخـــــوي سلمــــــان ولاهنــــــــت

مـــــوته كـــــان فــــــاجعه للجمــــــيع

تحيــــاتي ودمــــت بـــــود