( قصــيـــدة شبــكــــة ويـــــلان ) ..دعــوة لكــافــة الشــعــراء

[أبو غرام]

الالف اببدا و اقطف من المعاني=الفية ٍ تروي ضما كـل عانـي
و انا الحكم تروي ضماي بزماني=و العلم غانم و الجزاله بويـلان
والبـا بدايـة قافنـا نـذكـر الله=مبري سقيم الجسم من كل علـة
اللي فطـر فينـا الهدايـه جبلـه=وشرع لنا الاسلام هو خير الاديان
والتا توكلنا على خير باري=منشي مزوناً منهن السيل جاري
الواحد اللي بالخفيات داري=سبحان رب الكون سبحان سبحان
والثاء ثبت في صرحنا الطيـب لازال=وهذي عوايدنـا علـى مـر الاجيـال
ومن يجحد المعروف ماهـو برجـال=من ..؟ يرسل المكتوب من غير عنوان
والجا جميل القول ينجب لك اخوان=من غير قومك تقترب ناس واعوان
قالوا قديم العرف بالقـول ميـزان=من عاقبه بالفعل ضايع وخسـران
والحاء حبيب الكل يامنتدانا=حنا تجمعنا يخوف عدانا
وليا بغانا من بغانا لقانا=متجمعين وكلنا مثل الأخوان
والخاء خيوط الطيب ياهي قــوية=من بيننا سلم المـــــحبة عتـــية
لو نبتعد نبقى قلــــــــوبن سوية=مافرق اهل الطيب دورات الازمان
والدال دوك العلم لاصرت واعـي=حق الخوي لابد انـك تراعـي
يبقى الخوي في نهجنا ما يباعي=لأن الأخوة ماتقـدر بالاثمـان
والذال ذل المال ماهو على الكيف=تخونك الأيـام لازارك الضيـف
ماينفعك لو تشهر الرمح والسيف=المرجله صارت تقدر بالاثمـان
والراء رقي المجد ماهو بـ(هيّن)=لابد تتعـب ليـن ذكـرك يبيّـن
من لاصبر للعسر ماشـاف ليّـن=هذي هي الدنيا مسرات واحزان
والزاي زاد أهل العقول السليمـه=بالدين هو نـعـم الثمن والغنيمه
ياراجي مد الكــريم ونعيمــــــــه=نــهار ماينفـعك ربــع وخــــلان