الله وكيلك مـا تضايقـت مـن شـي = إلا ...ليّـا قالـوا وش اخبـارجــده
اضيق وابكي.. كن في خافقي ضـي = واصد عن هـرج الهـوى والمـوده
واغص واشرق لو شرابي من المـي = المـوت لامنـي تـذكـرت صــده
لامر طيفـه زادنـي يـا فهـد كـي = وشلون ابى انسى والهوى لـي يشـده
اليا نشدت القلب عنها نطق هي = هـذاك طيفـه وابيـض الخـد خـده
يا بحـر جـده دامنـي ميـتٍ حـي = يـا بحـر وصلّــــــه سـلامـي ووده
قله تراني تهـت فـي سكـة الغـي = واني صبرت ووصّل الصبـر حـده
وقلّه يخفف مـن عنـا بعـده شوي = واذكـر هوانـا يمكـن انـه يـردّه
وان كان عيا لا يجي يا بحـر عـي = ابيـك لاقصـى مـا بقلبـه تـحـده
وانا تراني ما تضايقـت مـن شـي = إلا... الهـوى اللـي بيننـا لا يـهـده
انا دخيل الموج ..والملح ..والمـي = (( هذي امانه معك يا بحـر جـده ))
عبدالله الحجيلان من ساحل الخبر،، إلى بحر جده
من أبداع إلى أبداع أخر كم نتشوق بان نقراء لعبدالله الحجيلان ونعتب عليه بعدم تواجده المستمر لكن نعذره عندما نطلع على مشاغله التى لايجد الفرصه من كثرتها ورقم ذالك يتواجد ولايبخل علينا بمالديه
من جديد ،،، عبد الله الحجيلان صح لسانك وسلم بنانك
تقبل تحياتي واحترامي
18/09/05, (12:36 PM)
العرض الشجري