وامتلى صوتي كســـــــور

[متعب السبهان]

لها ولكل شيء




وحدها فقط

بالله قلي لإمتلى صوتي كسور=وشلون اغني للسهر والمنافي؟؟
عمر الليالي ماتقول انت معذور=لوتمشي بدرب الغلا وانت حافي
زفرة حنين,,وذاكرة حضن وعطور=وحزنٍ اشوفه منزرع وسط قافي
طيرت لك من شجْرة الشوف عصفور=عوّد علي راسم ملامح تجافي
احباب رحنا,, وامتلى صدري شعور=واغراب جينا,, ماندل المرافي
انا الفقير اللي ملا وجهه النور=وانا الغني اللي دموعي لحافي

/
/

تهادى ليلة البارح تعب وآنا امتليت غياب=وامر بسكة الذكرى غريب اشعل قناديلك
واطير لك من احلام الزمان الصادق الكذاب=شعورٍ يسقي عيوني وهم يرجي محاصيلك
تطير اسراب من شوفي ولكن ماتعود اسراب=تعاليلك تبل الريق,, وين انت وتعاليلك؟؟
جروح القلب في غيابك غدت ياصاحبي احزاب=ارتبها تبعثرني,,, واناديها ,,,تناديلك
واحس بداخلي طفلٍ يتيم ولالقى العاب=واحس بداخلي دمعٍ ولابلل مناديلك
ذكرتك وانصهر دمع الجروح وصرختين عتاب=بعد فزت تفاصيل الحزن وارحت تفاصيلك
حبيبي وانت مرقاب الجروح وملتقى الغيَاب=متى تنشف بي جروح الزمن وتعن لي خيلك
جبيبي وانت محراب الجروح وموعد الاحباب=غيابك يزرع عيوني حنين ويمتطي ليلك
مادام ان الورق غصنٍ حزينٍ ممتلي اتعاب=اجل مانيب الوم الحبر لاغنى مواويلك
تهادى ليلة العاشق سهر وآنا ثملت غياب= وامر بسكة الذكرى غريب اشعل قناديلك

/
/

الليل حضن الجروح ودمعة المجفي=ماحاول الصبح يحضنها ويقراها
البارحة ذاب دمعي وانكسر كتفي=واخضرّ عود المدامع وانتثر ماها
برد المنافي تحسه دمعة المنفي=وبرد المحاجر عيونٍ تقصر خطاها
لو الليالي تحس الحزن في نزفي=مامات حلمي على حيطان مبكاها
امشي وصوت المواجع اسمعه خلفي=يقول(حرة دموعك كيف تنساها؟)
واجيك كلي واعوّد فاقدٍ نصفي=وتشيب عيني سهر ويخيب مسعاها

[فهد الشافي]

صح لسانك شاعرنا الغالي

متعب السبهان

قصيدة في قمة الروعة

دمت بود

[محمد المغيلث]

صححححححح لسانك يامتعب لاهنت

قصائد في غاية الرووووووووعه والجمال

لك تحياتي وحبي وتقديري

والله لايهينك

[سعد النفج]

الشاعر العذب و المميز / متعب السبهان

نصوص شعريه اشبعتنا شعراً..

انسانيه و عمق و عذوبه و تألق و ابداع من شاعر لا يرضى إلا بإعتلاء القمة..

.
متعب السبهان..

هنا وجدت الشعر و الإحساس ..
.
ارويت ذائقتنا بهذه المعزوفه المتفردة ..

منتظرين بشغف نصوص قادمه بقلم متعب السبهان..

[حمد الخمعلي]

المشاركة الأصلية كتبت بواسطة متعب السبهان

لها ولكل شيء




وحدها فقط

بالله قلي لإمتلى صوتي كسور=وشلون اغني للسهر والمنافي؟؟
عمر الليالي ماتقول انت معذور=لوتمشي بدرب الغلا وانت حافي
زفرة حنين,,وذاكرة حضن وعطور=وحزنٍ اشوفه منزرع وسط قافي
طيرت لك من شجْرة الشوف عصفور=عوّد علي راسم ملامح تجافي
احباب رحنا,, وامتلى صدري شعور=واغراب جينا,, ماندل المرافي
انا الفقير اللي ملا وجهه النور=وانا الغني اللي دموعي لحافي

/
/

تهادى ليلة البارح تعب وآنا امتليت غياب=وامر بسكة الذكرى غريب اشعل قناديلك
واطير لك من احلام الزمان الصادق الكذاب=شعورٍ يسقي عيوني وهم يرجي محاصيلك
تطير اسراب من شوفي ولكن ماتعود اسراب=تعاليلك تبل الريق,, وين انت وتعاليلك؟؟
جروح القلب في غيابك غدت ياصاحبي احزاب=ارتبها تبعثرني,,, واناديها ,,,تناديلك
واحس بداخلي طفلٍ يتيم ولالقى العاب=واحس بداخلي دمعٍ ولابلل مناديلك
ذكرتك وانصهر دمع الجروح وصرختين عتاب=بعد فزت تفاصيل الحزن وارحت تفاصيلك
حبيبي وانت مرقاب الجروح وملتقى الغيَاب=متى تنشف بي جروح الزمن وتعن لي خيلك
جبيبي وانت محراب الجروح وموعد الاحباب=غيابك يزرع عيوني حنين ويمتطي ليلك
مادام ان الورق غصنٍ حزينٍ ممتلي اتعاب=اجل مانيب الوم الحبر لاغنى مواويلك
تهادى ليلة العاشق سهر وآنا ثملت غياب= وامر بسكة الذكرى غريب اشعل قناديلك

/
/

الليل حضن الجروح ودمعة المجفي=ماحاول الصبح يحضنها ويقراها
البارحة ذاب دمعي وانكسر كتفي=واخضرّ عود المدامع وانتثر ماها
برد المنافي تحسه دمعة المنفي=وبرد المحاجر عيونٍ تقصر خطاها
لو الليالي تحس الحزن في نزفي=مامات حلمي على حيطان مبكاها
امشي وصوت المواجع اسمعه خلفي=يقول(حرة دموعك كيف تنساها؟)
واجيك كلي واعوّد فاقدٍ نصفي=وتشيب عيني سهر ويخيب مسعاها

الاخ الشاعر القدير


متعب السبهان0

يجبرني الصمت امام هذه القصائد المميزه0



سلم بوحك وقافك وصدرك على هذا الجمال0


تحياتي

[تركي صالح]

انا الفقير اللي مـلا وجهـه النـور
--------------وانا الغنـي اللـي دموعـي لحافـي

الله الله على هذا الابداع

تصوير شعري رائع ممتليء بالاحساس الصادق

لله درك على هذا التميز

دمت بخير

وتقبل خالص التحايا

[رابح الغضيان]

الشاعر/متعب السبهان

صح السانك حتى الرضا على هذه الرائعه

دااام حضورك الرائع والمميز

تحياااااااتي لك