ديوان الشاعر ::: ماجد الجعفري:::

[ماجد الغانم]

هذه قصيدة بمناسبة شفاء سيدي ولي العهد صاحب السمو الملكي الأمير سلطان بن عبد العزيز حفظه الله
.....
.
.

ياهجوس الشعر صور قمة الفرحه تعال =اقبل وكلك شموخ/ن تحمل الوصف الجميل
جيتك انخاك و تولّم عند ما جاني مجال =واعرفك لامن نخيتك عن مساري ماتميل
افزع بوصف الشعور اللي سكن صدري وطال=افزع بهمة شجاع/ن يسمع لخيله صهيل
فارس/ن ليانتخيبه استلم سيفه وصال=يشبه العبد العزيز الفارس الفذ النبيل
سيف ساطي في هجومه مانحنى وقت النزال=لارفع باليد سيفه انحنى خصمه ذليل
شيخٍ عزومه قويه للوفا مضرب مثال=تسيد الحكم بجداره وارتكى الحمل/ن ثقيل
ايه ياهاجس تقدم واثق الخطوة عدال =اطلق عنان القوافي كنها الخيل الأصيل
مد بالساحه نفوذك لاتهاب الانحلال=امتلك عرش الجزاله دامك لأسمي وكيل
واقبل بصورة كريمن مايمد الا الجزال=مثل ابو متعب بطبعه شامخ ومده جزيل
وفوق منبرنا المثالي امتثل للارتجال =وانهمك في وصف موقف ماله بوصفه مثيل
يوم فرحة عمر حلت والحزن شدالرحال=واقبل النور بشعاعه وانجلى غيم/ن وليل
لان سلطان الشهامه عنه كل الشر زال=وضحكة الدنيا بشفائه والفرح جاله سبيل
و صدري المشتاق فز و احيا داخله احتفال=اصدر و اعلن بيان/ الحزن بإذن الله قتيل
وحلت الفرحه مكانه واكتست كل الجمال=كنها أجمل فتاة/ن أقبلت تنقض جديل
فرحة العمرالثمينه ماتبي عنها سؤال =رجعتك اعظم بشارة سيدي دوك الدليل
شف شعور الشعب يمك فاق تصوير الخيال=لوشعربه كل حاكم قال هذا مستحيل
شف فرح اهل الجنوب بعين سكان الشمال=وابتسامة اهل جده عانقة صدر الجبيل
إيه في رجعت سموك كم غصن ازهر ومال= وسرت العين برجوعك وابتهج صدرن عليل
شوفتك والشاهد الله سيدي هي راس مال= وبعدك الدنيا زهيده ماطمع فيها بخيل
أنت فيك الطيب عامر نستظله كاظلال=وكل من يزبن سموك يلقى في صدرك مقيل
وانت صورة للشموخ اللي سكن صم الجبال= وانت في وجه المعادي حد كالسيف الصقيل
يعني الوجه الحقيقي سيدي لارقى الخصال=ويعني بجمله مفيده شيخ للطيب وكفيل
سيدي هذا شعور الكل مافيها جدال= ومهما قلنا في سموك مانوفيك الجميل
مالنا الا نطلب الله الكريم وذو الجلال= يحفظك يالوافي لنا ويمدك بعمرٍ طويل

.................................................. .................................................. .................................................. ....

[ماجد الغانم]

قوام الدم

يامن تقول اني مع الحب مشقيك =قلي وش اللي جاك مني ومزعجك
لا تنحرج مني انا منك وفيك = ولاظن تحرجني ولاني بمحرجك
انت الذي باضلاع صدري مغطيك= سبحان منهو بين الاضلاع مولجك
وبالأربع الحجرات بالقلب مأويك = تعال شاهد هيئتك مع نموذجك
تشبه قوام الدم بالعرق مجريك= مع الخلايا الحمر والبيض مازجك
يعني حيااتي واقعه بين اياديك = وشلون قلي بقطع الوصل واسهجك
والا اتجرى واجلب المر واسقيك= وانا وعدتك للشقا ما أدرجك
روحي اعاديها اذا هي تعاديك =ولا ارضى بشييٍ يامناايه يهيجك
فلاتعتقد اني مع الوقت ناسيك =أشعر بحبك وافهم اليوم منهجك
وأشفق عليك وكل مابي يحييك= وان قست حبي مع محبتك بفلجك
قلبي بنبضه يا حبيبي يناديك= واذني تبي تسمع عذوبة تغنجك.
والعين تسعد كل ماجت تراعيك =وتعانق الأفراح حزة توهجك
يعني اختصار القول ماقوى اخليك= ولا اقوى أفارق بسمتك مع تبهجك.
ويحرم علي اقول ابعد ولا ابيك =مدام قلبي غصب عني تولجك.
أبطلب الله خالق الكون يحميك=و من كل همٍ جاك جعله يخارجك
لاني على كل المخاليق مغليك.=واحس ربي وسط هالروح دامجك.
لاتشتكي مني ولا تذيع خافيك.= من وسط قلبي مستحيل أني أخرجك.
واللي تريده ياهوى القلب بعطيك= بعطيك روحٍ ياعساها تعالجك.
واناعلاجي شوف حضرة معاليك.= واجلس بقربك ياهوايه واهرجك