..(** وجهة نظــر**)..

[سعود المسعودي]

المشاركة الأصلية كتبت بواسطة فاطمه الجعفري

إهداء لمن يهمه امري

اكتب الابيات من حزن وسهر = واسكب الدمعه على الوجه الحزين
اذكرك غايب واموت من القهر = خايفه تسمع كلام الحاسدين
مايهم الناس لو تسمع خبر = والله لايجزا العدو دنيا ودين
انت يالغالي بقلبي والنظر = لك قدر يشبه لقدر الوالدين
لو تبي ادفع لك عيوني مهر = انت لجل رضاك ياقلبي بـ لين
ايه احبك والبلا هذا قدر = والقدر بيدين رب العالمين
آه لو جربت وش يعني الصبر = كان تضرب باليسار وباليمين
الخطا احيان مايلقى عذر = واكثر الاحيان تمحاه السنين
اتركك جايز! يجيب الله مطر = الأكيد اموت بك والله يعين
حظي اللي كل ماقلت استقر = مال واستعصى وانا حيلي متين
حظي اللي فيك ميأوس وغبر = وشف كثر ماهواك لو الحظ شين
وضعي اللي كل ماقلت بخطر = اطلب الرحمه ولايمكن يزين
ياحبيبي ماعلى قلبك أمر = التفت لي شوي واترك جيم سين
لايغرك جعل من يحكي بسقر = خل اذن ٍ طين واذن ٍ من عجين
فدوتك من غاب بالعين وحضر = وانت لك قلبي وشوقي والحنين
خذ كلامي صدق مو وجهة نظر = اعشقك في كل وقت وكل حين

بقلم ، فاطمـه الجعفري

صـح لسـانك وسلمت يمينك ولا هنتي