النوم ساس اللوم بان الردا به ...وعين تبي الطولات نومه شلافيح

[سعود المسعودي]

المشاركة الأصلية كتبت بواسطة نافع عيد الجديد

الله مـن قلـب تزايـد عـذابـه=والعين عيت تقبل النـوم و تريـح
يالله طلبتك يـا سريـع الاجابـه=تفتح لنا باب الفـرج بالمفاتيـح
يالله برزق وانـت فتـاح بابـه=يا خالق قوت البـدو والفلاليـح
النوم ساس اللوم بان الردا بـه=وعين تبي الطولات نومه شلافيح
واللي يدور الفود يتعب اركابـه=والرزق بطراف الخطا ياهل الفيح
الذيب ما يرقـد ورزقـه نهابـه=يبحث عن الغرات حول المصاليح
يحمد مصابيح السرى من سرابه=بالليل الاضلم والنعايـم مدابيـح
تغاروا المرقـاب مثـل الذيابـه=وتقابلو مثل الحـرار المفاليـح
وانا على اللي يوم ساجن احقابه=تشدا قطاة وردوهـا الجواويـح
قالو هذيك البـل تسلـل حرابـه=وقالو جنبها عاشقين الطماميـح
الله يلوم اللـي بخالـه خنابـه=لاجت هروج القوم عنها تصافيح
يوم انطلق مثل الرعد من سحابه=بكفوف كوخان العيون الذوابيـح
من كل مسلوب يوكـد صوابـه=بصنع الفرنج موميات المطاويح
كثرت مناجيهم وصارت طلابـه=وجنك كما ذود لحوضه مراويـح
ثور عقيد القـوم ثـم عـدا بـه=لهم على عوض النجايب مشاويح

مريبد العدواني

يعطيك العافيه وسلمت يمناك