ديوان الشاعر::: نافع عيد الجديد:::

[نافع عيد الجديد]

	ديـوان الـشـاعـر : نـــافـــع عــــيـــد الـــجـــديـــد

[نافع عيد الجديد]

مرثيه بوالدي رحمه الله وادخله فسيح جناته

بديت باسم الله على العسر واللين=الواحد الي كل منا يطييعه
يالله طلبتك ياكريم لنا تعين=ياربنا رحمتك دايم وسيعه
مرحوم ياللي مات في يوم الأثنين=مع العشاء صارت علينا الفجيعه
يوم اذن المذن يردد معه لين=وعقبه شهاده واقتفتها النزيعه
مرحوم ياللي دايم يفعل الزين=يرضي به الله ثم يرضي شفيعه
مرحوم ياللي مااشتكى منه الادنين=يصبر على الزله ولو هي وجيعه
يابوي من عقبك ترى الهم طاوين=والعين هلت دمع ماتستطيعه
يابوي من عقبك جميع المعزين=يدعون لك جنات زينة طبيعه
وانا اطلب الله ربنا فارض الدين=يسكنك بالجنه مساكن رفيعه
واختامها مني الفا مع الفين=اطلب من الله يقبلك له وديعه
وصلاة ربي عد مابالحرامين=واعداد براق تزايد لميعه
على محمد سيد كل النبيين=لهادي اللي كل منا تبيعه

مــــــدح القـــبـــيـــله

لي الفخر لاقلت مـن نسـل ويـلان=قبيـلـة ياحيـهـا مــن قبيـلـه
ولياعتزيت وثـار بالوقـت بركـان=وان عـودة لهـل الحمـول الثقيلـه
ربعي فعايلهم على طـول الازمـان=يوم البنـادق والسيـوف الصقيلـه
خماعله شجعان من ساس شجعـان=ياعـز منهـو بالمواقـف تجيـلـه
يشهد لهـم تاريخهـم دون نقصـان=حازوا على كـل الفعـول الجميلـه
يوم المراجل سيف وسنـان وعنـان=كـم شيـخ قـوم فاقدتـه الحليلـه
يشهد على ماقلت بالفعـل (غيـلان)=ياجاهـل بالفـعـل هــذا دليـلـه
فرسان من فرسان من ساس فرسان=اهـل العـزاوي كاسبيـن النفيلـه
افعولنـا فيهـا دلايـل وبـرهـان=مثـل القمـر يجلـي دياجيـر ليلـه
الطيب فينـا عنـد شيـب وشبـان=وعاداتـنـا مانستـمـع للنقيـلـه
وكل القبايل بالفعـل شانهـم شـان=نعـم بهـم كـل يـفـك لدخيـلـه
واليـوم يحكمنـا طليقيـن الايمـان=امن وامان وعدل مـن دون ميلـه
اخوان نـوره فعلهـم للبشـر بـان=كـل القبايـل فـي وطنـا قبيـلـه
في حكم عبـدالله ونايبـه سلطـان=خيالـة العوجـا حمـاة الاصيـلـه
واختامها صلوا على نسـل عدنـان=اللي دعـا الامـه لـدرب الفظيلـه

(يـــاحـــــرف)

ياحرف(00) شبكت روحي معك شبك=والقلب منـي فـي هواكـم مشبـك
حالي تطوى منطوي طويـة الحبـك=متطوي طيـات مـن شـان حبـك
عيني تعاين فـي عيونـك تعاتبـك=من عاين اعيو نك تـراه انبهربـك
ضنيت ضني واختلف مـع مطالبـك=من شانهـا اعلنـت يمـي بحربـك
لاشك انـا يازيـن مانـي محاربـك=مهمـا تحاربنـي تمنيـت قـربـك
الحـب مهمـا كـان لازم يعـذبـك=لاتحسب ان الحـب يمشـي بدربـك
لابـد مـن يـوم تعـدد تجـاربـك=مع الطريق اللـي طلـع وانحدربـك
اما تقـول الحـب صفـى مشاربـك=والا تقـول الـحـب عكرلشـربـك
ولا تقـول انـك معـذب حبايـبـك= والا تقـول انـك بحـبـك مشـربـك
لا شك انا طالبك يـا زيـن طالبـك=تعطف على اللي بالهوى ماغدربـك

[نافع عيد الجديد]

(ونــــــــــه)

ونيـت ونـه بالحشـاء داخليـه=ونه خطيره كسرت بعض الاضلاع
بسباب خلي ليـه يزعـل عليـه=وانا اللذي من سبته صرت ملتاع
سمع لنـاس كلهـم ضـد ليـه=ناس سوالفهم بعكسات الاسنـاع
هم ودهم يازيـن بفـراق بيـه=بيني وبينـك يالحبيـب بالانـزاع
لاتزعـل العـذال تفـرح بليـه=واحذر تصير بدنية الحب طمـاع
ان كان مال الحب عندك حميـه=الله يعوضنـي فلانـي بتـبـاع
حتى لوني زرت حـوض المنيـه=ولوصابني من سبتك هم ووجاع
اعيش مع ذكراك صبح وعشيـه=واسهر على ذكراك والناس هجاع
هذي سوات اهل القلوب الشقيـه=رغم ان فيهـم للمحبيـن بـاع
من يسمع العذال يبحـث خفيـه=يعيش بالدنيا مثـل زارع القـاع
هاذي تباريـري وكـل القضيـه=علك تصدقني وولعلـك اشمـاع
ان طعتني يازيـن عـود عليـه=والاتراي اقول روحه بلاارجـاع

(ســـــــــــــــــوق برزان)

الله على اللي شفتها بسوق بـرزان=تمشي بوسط السوق وفي مشيها فن
تمشي دلع تقـل علـى دق فنـان=من شافها يفتن من الانس والجـن
سالتها من الانس والامـن الجـان=قالت انا من شافنـي لا زم يـون
قالت من انت وقلت اكيد انا انسان=قالت تراي ادري ولكن على مـن
انت شمالي من كلامك لنـا بـان=فيكم طبيعه يزهم الشخص ياهـن
قلت ارحميني رحت فيهامـن الان=قالت انا مثلك ولاتخيـب الضـن
يابعد حيي وميتي وكل الاخـوان=تكفى توضح لي ويش اللي تبي من
قلت ابغي الجوال وياليت عنـوان=قالت خذ بسرعه لا احـد يشوفـن
راحت وانا محتار بالوضع بالشان=واقفت تطالعنـي بحبـي تراهـن
وفزيت من نومي وانا منه حيران=وضاع الخيال اللي بحلمي تمكـن
بس الحقيقه سبة الحلـم غـزلان=صادفتهن بالسوق واقفن ولاجـن

(جــــــــــــــــــــــــــتني)

جتني تقول الناس تشره على الناس=وانتـى علامـك ماتشـره حبيبـك
قلت العفو وشفيك يازيـن لابـاس=أمرتدلـل كـان تبغـي نجيـبـك
قالت احبك حب من قلب واحسـاس=حبك سكن بالقلـب ماحـد دريبـك
حبك بقلبـي مادروافيـه الانجـاس=يكفيني الهجـران ربـي حسيبـك
قلت العفو غلطان ياعذب الانفـاس=ما اهجرك يالغالي وقلبي صويبـك
حبك بوسط القلب مبني على ساس=واشبك تعاتبنـي وقلبـي عطيبـك
غـلاك ماينقـاس بالـدر والمـاس=تفداك روحي واعتبرهـا نصيبـك
قالت تعال ولايجي فيـك هوجـاس=انـا طبيبـك يـا مـدور طبيبـك
مشيت لجل اعيونها رافـع الـراس=وناديتها قلت ابشري في حبيبك

[نافع عيد الجديد]

بيني وبين الشعر ميثاق وعهـود=حلف قديم مـن زمـان الطفولـه
لاحلت الوقفـه مواثيقنـا تـزود=وتصبح صعوبات المواقف سهوله
نجعل ضوامي القافيه يمنـا ورود=واذا دعيناهـا تجينـا عجـولـه
انقي ابكار الفكر من غالي الـذود= واخوض بحر الشعر صوله وجوله
سفينتي تبحر بحره وانـا اقـود= والموج مابلش فيه لو يش طوله
وان كان له بيدا فانا مالي حـدود=اجيه واعسف ما صعب من خيوله
واقطف من الاشعار عنقود عنقود=ان كان هو بستان ماالف حولـه
واحاول انحي فيه عن كل منقـود=من شان مايفرح عليـه عذولـه
افخر بشعري والفخر ماله قيـود=لاني اقوله صـادق يـوم اقولـه
شعري كما من يثبت الحق بشهود=قدام قاضي والشهـود اشهدولـه
اعانق المعنـى لياهبـت النـود=واقف معه ميقاف راع البطولـه
تعبير ماادور به اطماعـه وفـود=ولاخذعلى بيع المشاعر عمولـه
قبل اكتبه يدري تقل فيه موعـود=ويشيل عنـي كايـدات الحمولـه
ساعة لفاني كنه لمزن محشـود=يسقي ضلوع تشتكي من محولـه
مايحوي الهزلات بالجزل مشهـود= دايم يجيب الطيبـه فـي مثولـه
ماجيت ناقد شعر غيري ولا ازود=جيت انثر احروفه وابين ميولـه

[نافع عيد الجديد]

(البال ضايق)

البال ضايق والهواجيس جتني=وقامت تزايد بالضمير وحكابه
واحاول اسكت بس ضيقه حدتني=تجعل قوي الباس يفقد صوابه
حبيبتي بغيابها حيرتني = راحت ولاادري وش سبايب اغيابه
ياليتها بغيابها خبرتني = يمكن على قلبي تخفف مصابه
راحت بعد مابالهوى ولعتني = من بعد ماحبه بقلبي صطابه
يمكن هجر يمكن دلع او نستني=او شي ماني حاسبا له احسابه
من اول مافيه يوم اهجرتني = دايم على قربي تسوي اطلابه
لاغبت عنها بنفسها ذكرتني= لوهي دقايق تعتبرها غرابه
واليوم غابت دون ماودعتني = الله يعين القلب من حر مابه
ببقى على ذكراه لوعذبتني=واصبرعلى فرقاه لين القابه
دام الامل موجود لوابعدتني=سوداليالي ليلها ينسرابه
بسريبها لوانها سهرتني=كم واحدن قبلي لخله سرابه
احمل اهموم افراقها لوخذتني=من السعاده لنكد والكرابه
واسقي اغصان الحب لو اتعبتني =من شان خلي باحتمل كل مابه
وخيالها معيه و لو فارقتني=لوالغياب مسوي له احرابه
لوانها ترجع ولوهي كوتني=ارحم من غيابن يطول الرجا به
وتشوف حالي بعد ماهي رمتني=في حبها من دون تحسب احسابه
لعلها تعطف واقول ارحمتني=وتشفي جروح نازفه من غيابه
وانا وفيت بحبها واهملتني=ماقدرت خلن بحبه وفابه

[نافع عيد الجديد]

بمناسبة شفاء سيدي ولي العهد الامير سلطان بن عبدالعزيز حفظه الله

ياطيرغرد حان وقت التعابير=شوف القلوب من الفرح نورها بان
غرد وهز الريش بالجوياطير=غيرك ترى ياطير من غيرجنحان
شوف الفياض يجاوبن النواوير=وجاوب معاها الشيح في عذب الالحان
وشعب السعوديه يزف التباشير=بشرى فرح ماقدروهابالاثمان
ماللحزن بقلوبنا اي تبرير=صار الفرح سلطان باسباب سلطان
زال المرض عن سيدي منبع الخير=وعم الفرح كل المداين والاوطان
في غيبتك ياسيدي حالنا غير=صار الحزن بقلوبنا دوم عنوان
لانك ذرانا عن هبوب المعاصير=وانت الفرح تقضي على كل الاحزان
وانت الكرم من غير حد ومعايير=مدت يمينك مزن بالخير هتان
وانت الشجاع اللي يقود الطوابير=شانك كبيران كان عدوا هل الشان
ياحاتم الطائي وياسالم الزير=لاوالله الا ما خذوا ثمن الاثمان
يابن الملوك اللي خذوا كل تقدير=ميزانهم يرجح على كل ميزان
ولي عهد مسطر المجد تسطير=عبدالله اللي واضح لكل الاعيان
له هيبةً مثل السيوف البواتير=عزالوطن والدين للحق برهان
خادم بيوت الله طويل الاشابير=ثبت قواعدهاعلى عز وايمان
وفي شوفتك نفرح ونرتاح يامير=وطريف يرسل بالتهاني لنجران
وحنا ضمايا كلنا صغيروكبير=وعطشى لشوفك ياهماليل الامزان
طهور ماصابك عسى ايامك بخير=اجروثواباً يوم تقسيم الاوزان

[نافع عيد الجديد]

مهما قلنا عن وطنا وحكامنا لن نوفيهم حقهم (اهديكم هذه المتواضعه عسى ان تنال اعجابكم)

دايم وراسي عاليا ما تمنيت=مثل الجبال الشامخه باعتداله
دستوري القران للحق تثبيت=شمس النهار اللي يزيل الضلاله
ولأني سعودي وافتخر لا تسميت=اصيل وافخر في بلاد الاصاله
في ظل سيف المملكه خادم البيت=بدر الدياجي نور درب العداله
نسل الملوك اللي لهم ذايع الصيت=حكم الجزيره ما حكموه بجماله
يشهد لهم تاريخهم لا تقصيت=مع حكمهم ماتت عصور الجهاله
افخر بهالدنيا ان رحت وان جيت =في حكم ابو متعب عريب السلاله
نسل اللذي يوم اوردوهن على هيت=عبدالعزيز اللي حكمها لحاله
يحق لي لاني لها الحكم واليت=حكم اللذي شعبه يعده اعياله
خيره كثير ويشمل الحي والميت=تنفق يمينه ما درت به شماله
ماله حلي في مدته لو تحليت=من فيض كفه صيغ معنى الجزاله
امن وامان وعلم للجهل تشتيت=وفر جميع اللي نبي ما انعنى له
واصبح وطنا جنة به تباهيت=وحضارةٍ ما تنوصف باكتماله
مهما اعدد من عطاياه مااوفيت=غيث السحابه يوم يصدق خياله
ثابت ولايبغي شهاده وتثبيت=كل البشر تشهد لياجا مجاله
وسلطان سلطان السعد لا تعزويت=يافرحة المضيوم كانه عناله
ريف اليتيم اللي فقد راعي البيت=ينسيه همه ساعة انه عناله
والنايب الثاني بفعله ليابديت=صان الامن في حنكته واحتماله
شوف الامن ساطع كما شمعة الليت=على جميع المملكه من خلاله
واخصالهم ماتنحصي كان عديت=طيبه كرم هيبه عداله بساله
وان كان لنار الحرب في يوم شبيت=حنا دروع المملكه وانعباله
رجالنا ماقال عنها تخليت=يفعل لياركب الرشاء بالمحاله