فاقد الشئ لا يعطيه

[محمد المقبل]

من نقاشك يتضحلي بك جهل والاغباوه=أو دفعك الحقد تستهزئ بغيرك يالحقودي
لاتشقى وانت ماتعرف مصير أهل الشقاوه=والله إنك ماتحل العقد لاصار معقودي
من أنا؟بل أنت مين؟ وجاوب بصدق,وهداوه=كان عندك رد..ردوبعدهاتسمع ردودي
وادري إنك لو تحجج ترجع لحجه حجاوه=لكن أرقد ياقليل العرف لاتصحي الرقودي
أنت فاقد شي ماتعطيه لو تعطى رضاوه= ماعليه منك لو تنكر من الدنيا وجودي
ديني الإسلام واصلي بالعرب ماهو خفاوه=تغلبي(ن) من بني نزار في عدنان أعودي
من قبيله جارها ودخيلها بأمن وحفاوه=من قبيله بالكرم للضيف والعاني تجودي
من قبيله لاشرس الأخصام مادفعت الأخاوه=من قبيله من عرين أسود وسلالة أسودي
بدوي(ن)ذقت مر الوقت هو ويا الحلاوه=مولدي بيت الشعر واصلي ومنشايه سعودي
بدوي(ن) مااتعامل غير بسلوم البداوه= منهجي منهاج ابوي اللي نهج منهج جدودي
لاتشقى وانت ماتعرف مصير أهل الشقاوه=الشقي معروف دربه لاحصل قدح الزنودي

الشاعر الكبير حمود نايف الهذيل

صح لسانك وسلم بنانك على هذه المعزوفة الرائعة

التي حوت على معاني الفخر والاعتزاز

لك كل الود والاحترام