(( قـــال المثل :ما للحمول الكايدة غـير الجمال))

[طلال]

المشاركة الأصلية كتبت بواسطة عبدالله الدغيثر

السلام عليكم ورحمة الله وبركاته


ونجدد العهد معكم بهذه الابيات الجديدة


اتمنى ان ترقا لذائقتكم


(( قـــال المثل ))


قال المثل ما للحمول الكايدة غير الجمال
لكن في تالي الزمن تبرك وعيّت لا تقوم
**
مدري هو من جور الحمل والا من صدوف الليال
والا الجمال الطيبّة صارت من اضغاث الحلوم
**
وين الجمال اللي تشيل الحمل وتبوج الرمال
بخفافها تاطا شخانيب الحتايف والحزوم
**
لا شك جا في الوقت ميلة واختلافات وجدال
واظنها لحقت على بعض العوايد والسلوم
**
ما عاد نطعم خنّة الفنجال من صفر الدلال
حتى الطيور الجارحة ما عاد شفناها تحوم
**
والبرق يبرق والرعد يرعد ولا شفنا خيال
والجو صافي والسماء زرقا ويا كثر الغيوم
**
حتى الشجر ما عاد نلقى به مقيل ولا ظلال
صرنا روايا من العطش نسهر على عد النجوم
**
والصوت ما جا له صدى لو نرفعه في كل حال
والذيب مات من الغبن والجوع في شهب الرجوم
**
وحتى الجبل وهو الجبل في تالي الايام مال
صلف الرياح العاتية حطت بجيلانه وسوم
**
وان هب ذعذاع الهوى من شرق والا من شمال
ماعاد نطرب دام قافيها من الغربي سموم
**
لله در ايامنا الغبراء متّعبت الرجال
كم عّرفتنا بالرجال اللي يسدون اللزوم
**
وكم علمتنا بالزحول اللي مثل وصف الجبال
في لازمك لامن بدا اللازم مثل زرق السهوم




وسلامتكم


اخوكم /عبدالله بن سعود

والبرق يبرق والرعد يرعد ولا شفنا الخيالوالجو صافي والسماء زرقا وياكثر الغيوم
هييه هييه
عبدالله الدغيثر
نفسي اعرف من اي قبيله عبدالله

اشهد باالله انك شاعر مرتوي راسك

جزاله شعر وسطارة راس
ماقول الا صح لسااانك

بيض الله وجهك سجل عجابي

طلاااااااااااااااااااااااااااااااااااااااال