فاقد الشئ لا يعطيه

[عبدالله الثابت]

الشاعر الكبير

واستاذ الشعر


حمود نايف


صح لسانك


مبدع اينما كنت


من نقاشك يتضحلي بك جهـل والاغبـاوه
أو دفعك الحقد تستهزئ بغيرك يالحقـودي
لاتشقى وانت ماتعرف مصير أهل الشقاوه
والله إنك ماتحل العقـد لاصـار معقـودي
من أنا؟بل أنت مين؟ وجاوب بصدق,وهداوه
كان عنـدك رد..ردوبعدهاتسمـع ردودي
وادري إنك لو تحجج ترجع لحجه حجـاوه
لكن أرقد ياقليل العرف لاتصحي الرقـودي
أنت فاقد شي ماتعطيه لو تعطـى رضـاوه
ماعليه منك لو تنكر مـن الدنيـا وجـودي
ديني الإسلام واصلي بالعرب ماهو خفـاوه
تغلبي(ن) من بني نزار في عدنان أعـودي
من قبيله جارها ودخيلهـا بأمـن وحفـاوه
من قبيله بالكرم للضيف والعانـي تجـودي
من قبيله لاشرس الأخصام مادفعت الأخاوه
من قبيله من عرين أسود وسلالـة أسـودي
بدوي(ن)ذقت مر الوقت هو ويـا الحـلاوه
مولدي بيت الشعر واصلي ومنشايه سعودي
بدوي(ن) مااتعامل غيـر بسلـوم البـداوه
منهجي منهاج ابوي اللي نهج منهج جدودي
لاتشقى وانت ماتعرف مصير أهل الشقاوه
الشقي معروف دربه لاحصل قدح الزنودي

تقبل تحياتي واعجابي