يا صديق .. ( السوق ذاا مشكل كثير )

[صالح الجطيلي]

المشاركة الأصلية كتبت بواسطة عبدالعزيز العدواني

ياصديق السوق ذا مشكل كثير = كل ماجيته يسبب لي صداع
انت ماهمك وانا همي كبير = ومن شبع ما ناظر الناس الجياع
هز راسك وش عليك انت الأمير = كل يوم تشوف زينات الطباع
مستهل ومبتهل وجهك ينير = اغلب اشغالك متاع(ن) في متاع
جتك حصه جتك دانه جت عبير = صبحنك مير انا اصبح سباع
شفت شوفه ياصديق الله يجير = من بلاويهن ومن غسل الشراع
النقاب الكحل والثوب القصير = يدحم المشلح بقدر المستطاع
ازرق ابيض واحمر اخضر مستدير = فوق رمش وتحت رمش وقلب ماع
بالعقاريه وصدري له صفير = اتنهت واتلفت بارتياع
مايقرب صوبهن رجل(ن) غرير = وش لميس ووش سنوات الضياع
الضياع السوق واللي به يصير = من مشاهد من تخبن بالقناع
كنهن طيور ماتقدر تطير = بس هيبتهن على هيبة شجاع
يوم قربت وتهاونت العسير = قمت اطالع له وانا قلبي رعاع
بين اعرض له أو ارجع واستخير = وارتبك ثم صد واربكني وفاع
انقلب كنه يناور في شطير = واختفى وعيوني افقدها الشعاع
وانقلبت وصرت باسبابه ضرير = لا رحم روحي ولا قفى بساع
يا صديق اسألك تكفى يالخبير = هو يباع الزين والا مايباع
وهو بعد غيري شكى الوضع الخطير = أو شكاويهم تسبب لك صداع

ابومشاري

صح لسانك على ها القصيده الممتزجه بين الجزاله والموقف الحقيقي

لاهنت يا بو مشاري وبأنتظار المزيد من دررك