(( تعـــــال ))

[غموض الشمال]

المشاركة الأصلية كتبت بواسطة فاطمه الجعفري

كل عام وانتم بألف خير قصيده قريب لنفسي

والله ماني قادره اكبح الشوق = ولا أتخيل عيشتي عقب فرقاك
ملكتني برضاك واسلوبك الذوق = حتى غديت اشتاق لاحز طرياك
جريت شعري معك في كل طاروق = ويحرم عليّه ماكتب الشعر لولاك
يا ... وانا عارفه نظرتك فوق = ويمكن مجي في قد حلمك ورؤياك
طوقتني بيديك امن الغلا طوق = وبديت اهذري فيك واشتاق لقياك
قلبي وهو قلبي من الصد محروق = ماعاد به انسان سوا سواياك
ان جيتني ماعاد ابي أي مخلوق = وان رحت عني صعب لوقلت أبنساك
تعال ابنسى الهم بيديك واروق = تعال ودي اخذك واسكن زواياك
تعال دمعي ضاق في محجر الموق = تعال ابمسح ازرق الدمع برداك
تعال لي وفداك معلوق معلوق = تعال حط الخوف من تحت ماطاك
غلاك مثل الدم لاسال بعروق = ينعش حياتي فيك من دون إدراك

بقلم فاطمـه الجعفري

فاطمه الجعفري

اسم يغريك لقراءة كل ماتكتبه

صح لسانك عاى هذه الرائعه

غموض الشمال