(أســـوار و حديـــد)

[الخاطر]

المشاركة الأصلية كتبت بواسطة طلال الايداء

تعال بلل بالوصل ضامي الوريد = طالع يباسه كيف ماتت خضرته
الحال من بعدك ترى مابه جديد = الحظ عاثر ... والجفاء ياقسوته
ماغير اقلب بالصور /وارجع وأعيد = يالله عسى خلي تعجل رجعته
ياستايلي / ياذوق / ياعطري الفريد = يافلسفة شعري / ورونق هيبته
حتى ارتباكي لاحضر اسمك يزيد = وجفني من الضيقه تخنقه .. عبرته
البيت / بغيابك .. مستاحش وحيد = اقلها / ماتت بشاشة غرفته
تدري غيابك / هز / (أسوار وحديد) = من ضيقة غيابك ذابت صهرته
وش عاد حي" يعشقك الا أكيد = تغيرت حتى ملامح (صورته)
مثل اللهب لاقربو منه الجليد = هذاك قلبي في غيابك حالته
شفها / خطاي / شلون عن غيرك تحيّد = كن القدم عيت تسوقه خطوته
اجامل غيابك ..... ولكن مايفيد = الهم لاخفيته تفضح دمعته
من كثر حزني صاحت ابيات القصيد = ركـز في اخر بيت واسمع نبرته
اقسم برب اللي خلقنا له عبيد = انه فلا غيرك تعوض (( نظرته ))

الشاعر الراقي والمبدع دائما مع مرتبة الشرف.
طلال الايداء.
لي الشرف ان اكون اول من يصافح هذه الباذخه.
راقي ياطلال راقي وربي.
لك فلسفتك الخاصه واسلوبك الخاص.
دمت مبدعا ياطلال ودمت بهذا الرقي.
اخوك محمد العنزي.