سر ياقلم واكتب على الطرس مكتـوب
مكتوب ياصل صاحب(ن) حيل غالـي
..
.
الصاحب اللـي ماهقينـا بـه عيـوب
واستغفـر الله لـو غلطـت بمقالـي
..
.
ثم ياصل المكتـوب ماهـو بمكـذوب
رجل(ن) ليا مني نصيتـه عنـا لـي
..
.
فواز بـن فرحـان ياخـوك مطلـوب
اقـرا قصيـدي ياعميـد الرجـالـي
..
.
قلبي غدا ياخوك من شـان رعبـوب
غرو(ن) صغير فيـه كـل الجمالـي
..
.
عيون نجل وحـور والخـد كالـروب
والخشم مثل السيـف وسـط القتالـي
..
.
وشعره كما ليل(ن) طويل(ن) ومصبوب
ومبسم جميل وعنق عنـق الغزالـي
..
.
ابيـك تعذرنـي تـرى بـس يـادوب
لمحت لك عن وصف زيـن الدلالـي
..
.
ودي اوصف بـس ماعنـدي اسلـوب
عشـان اجيـب وصوفهـا بالكمالـي
..
.
من يوم شفته قلت هالـزول محبـوب
هالزيـن كلـه ماوصـلـه خيـالـي
..
.
قلبي تعلق واصبـح اليـوم مصيـوب
من حبه اصبح عقلـي اليـوم خالـي
..
.
من حر مابـي عـدي اقطـع الثـوب
وامشي مع الشارع تقل بـي خبالـي
..
.
ماهو جنون الا من العشـق منكـوب
وشلون ابى اوصف حالتـي ياحلالـي
..
.
الدمع من عيني على الخـد مسكـوب
ابكـي علـى فرقـاه والهـم جالـي
..
.
مالي جدا غير اكتـم الهـم مغصـوب
يمكن اني اسلى عنه يابـن الحلالـي
..
.
باصبر على جرحي ويكفينـي ذنـوب
وارمي حمول(ن) فوق ظهري ثقالـي
..
.
بامشي مع العالم ويسترنـي الثـوب
واضبـط الغتـرة واعـدل عقـالـي
..
.
حق البنـادم دايـم الـدوم مسلـوب
عند البـدو فـي الحـب اول وتالـي
..
.
هذي نهاية جملـة همـوم وكـروب
جتني هديـة مـن صـروف الليالـي
------------------------------------------
اجبرتني على نقلها بالكامل لانها تستحق القراءه مرات ومرات
صح لساااااااااااااااانك يالسلطان
وبيض الله وجهك
راااااااائعه تلك السطور الشامخه
دمت للويلان
22/10/05, (10:36 PM)
العرض المتطور
