وينهو خلوه يجي - الصفحة 4 - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 19/01/10, (02:44 AM)

اقتباس:

المشاركة الأصلية كتبت بواسطة الحميدي بن طالب العنزي

كانك تحب الانقلاب انا ماحب الانقلاب=هذا الاكيد من الخبر بنهايته وبدايته
ياللي تميز بالخطا لازم تميز بالصواب=ارفع مقامك يا اجودي خل العلوم الهايته

تبت يدين ابولهب والجن ترجمها الشهاب = ومسيلمه معروف لويجهد بنشر دعايته
انا ارفع الطاروق وانت تنزله يم التراب = وبليس سهرانن على براده ودفايته

**الحميدي بن طالب العنزي** · 19/01/10, (03:13 AM)

راجع كلامك باوله من قبل ترسلي خطاب=يالراوي اللي مايميز وش كتب بروايته
انته تمارس لك هواية ماتخاف من العقاب=لكن ترى راع الهوايه مايكب هوايته

**معيض بن عريفج** · 19/01/10, (03:33 AM)

اقتباس:

المشاركة الأصلية كتبت بواسطة الحميدي بن طالب العنزي

راجع كلامك باوله من قبل ترسلي خطاب=يالراوي اللي مايميز وش كتب بروايته
انته تمارس لك هواية ماتخاف من العقاب=لكن ترى راع الهوايه مايكب هوايته

خابرك تعطينا عسل مار العسل به سم داب = لكن نرده لك مثل ماهو0و سط دلايته
البادي اضلم يالحميدي وانت اسباب الخراب =والعاصي اللي مايعاقب مايكب عصايته

**الحميدي بن طالب العنزي** · 19/01/10, (02:09 PM)

حاسب ضميرك يااجودي بالاخرة قدمك كتاب=والمسلم اللي متقي ربه ينال وقايته
وينك يابو زيد الهلالي ماتشوف ابو الشباب=ترى الولي لياسكت لازم تزال ولايته

**معيض بن عريفج** · 19/01/10, (08:19 PM)

اقتباس:

المشاركة الأصلية كتبت بواسطة الحميدي بن طالب العنزي

حاسب ضميرك يااجودي بالاخرة قدمك كتاب=والمسلم اللي متقي ربه ينال وقايته
وينك يابو زيد الهلالي ماتشوف ابو الشباب=ترى الولي لياسكت لازم تزال ولايته

محاسبن نفسي واصلي وانت ترقص مع رباب = ياللي تحرس الزرع ويل الزرع من حمايته
ماني وكيل ادم على الصاحين واصحاب الشراب = ومالي ومال الرامي اللي مايحفظ رمايته

**الحميدي بن طالب العنزي** · 19/01/10, (09:49 PM)

صح لسانك يامعيض ......

ولي الشرف باللعب معك ومجاراتك قدر الاستطاعة......فأنت شاعر لايختلف عليه مليون......

اما اذا الدعوى فيها نقد....فانا ناوي تسجيل الخروج ....وبدون عودة....هههههه

مع السلامة يمكن مانجي مرة ثانية......شغل السيارة وانحاشوالجوال خارج التغطية

**سلامة الجعفري** · 20/01/10, (01:08 PM)

بسم الله الرحمن الرحيم

الطاروق ملتهب ياساتر سترك بس الوالي موجود يالحميدي ههههه

فيه فتل ونقض وجاء في بدايته مهاجمة معيض لشخصه بسبب واضح في الابيات

ورد معيض بشكل جيد ( وبداية الرجال ... تزين نهايته ) عساها يامعيض

لكن الشاعرين دخلوا بموضوع ثاني وضحه معيض في قوله ( ملائكة الرضا وملائكة العذاب)
واعترها الحميدي غلطه ولم يتركها لان الطاروق على هدف معين وروح بعيد واستمر الموضوع الثاني

تمنيت من الحميدي التوقف بما انه طلع معيض غلطان لانه في متابعته له يناقض نفسه ــ طبعا مااستعيب هالشي ــ
يمكن الحميدي يبغى يخلي معيض يفرفش شوي ويطلع من الموضوع ( سامحك الله يامعيض)
لين انتهى الطاروق بس الطاروق اذا كان على موضوع الافضل ان يبقى في اطاره ولايخرج عنه( وجهة نظر)

والابيات كلها سليمة وزنا وقافية فلذلك اقول للشاعرين :الحميدي بن طالب ,,, معيض عريفج

صحت السنتكم وماقصرتوا والى الامام