هواجيس القصايد

[صالح السالم]

اشغلتني هواجيس القصايد وغنت=غصب عني كتبت اعذب حروف القصيده
خيل الافكار في لحظه علي استجنت=بعد ما كنت فاقدها شهورٍ عديده
وبعد ما طولت غيباتها النفس عنت=قلت ابشرب فناجيل البيوت العنيده
ان تهيلتها عسراتها لي تبنت=اتخير من اجزال البيوت الفريده
غيمت في سماء وصف الحقايق وكنت=وامطرت فوق هضبان الورق ما تجيده
قلت ابكتب بجزل ابياتها يوم جنت=وصف في لابةٍ يا حيها من بديده
لو وقف دونها وصف القصيد وتعنت=ما وصل نصف في ذكر الفعال المجيده
من فعولٍ بها ماض الليالي تغنت=خلد الوقت ما خلد وتبقى جديده
سعد عيناً تجي من دونها لا تمنت=فزعةٍ تجعل النفس الشقيه سعيده
يوم زرق الرماح اعزومهم ما تونت=من نوى جمعهم يحسب احسابه فقيده
كم سيوفً بدم اعتى النشاما تحنت=لين يلحق عقيد القوم باقي عبيده
والهقاوي سنام المجد صوبه تعنت=واطينٍ على خشم العزوم البليده
ما استباح الحمى قوماً على الدار شنت=محتمينٍ دخيل الدار عن من يريده
سنةٍ بالعطاء تبقى وللطيب سنت=كسبت النعم لو تنهي بقايا رصيده
كن حتى حروف الشعر فيها تهنت=كل ما فل ما بالذاكره واستعيده

[سلامة الجعفري]

غيمت في سماء وصف الحقايق وكنـت=وامطرت فوق هضبان الورق ما تجيـده
من فعولٍ بهـا مـاض الليالـي تغنـت=خلد الوقـت مـا خلـد وتبقـى جديـده

قصيدة قمة من شاعر قمة بدون مجاملة والبيتين عن قصائد

صح لسانك ولافض فوك

تقبل مروري

[أبو غرام]

الله عليك الله اخي

ابدعت وتفننت في طرحك الشعري هذا

لك من محدثك كل ود وتقدير

وصح لسااااانك حتى ترضى

اخوك ابو احمد

[سالم صالح]

صالح السالم


صح السااااااانك رووووعة وشاعرية فذة


وحبكة شعرية من شاعر مبدع ويعرف كيف يجبر الحرف لينصاغ له بكل سهولة


تقبل ودي

[صالح السالم]

المشاركة الأصلية كتبت بواسطة سلامة الجعفري

غيمت في سماء وصف الحقايق وكنـت=وامطرت فوق هضبان الورق ما تجيـده
من فعولٍ بهـا مـاض الليالـي تغنـت=خلد الوقـت مـا خلـد وتبقـى جديـده

قصيدة قمة من شاعر قمة بدون مجاملة والبيتين عن قصائد

صح لسانك ولافض فوك

تقبل مروري

صح بدنك اخوي سلامه


شهادتك اعتز وافتخر بها

لك جزيل الشكر والتقدير

[صالح السالم]

المشاركة الأصلية كتبت بواسطة جائز المليحان

الله عليك الله اخي

ابدعت وتفننت في طرحك الشعري هذا

لك من محدثك كل ود وتقدير

وصح لسااااانك حتى ترضى

اخوك ابو احمد

صح بدنك

كل الشكر لك اخوي جائز على كلامك الطيب

شرفتني الله يزيدك شرف

تقديري

[صالح السالم]

المشاركة الأصلية كتبت بواسطة سالم صالح

صالح السالم


صح السااااااانك رووووعة وشاعرية فذة


وحبكة شعرية من شاعر مبدع ويعرف كيف يجبر الحرف لينصاغ له بكل سهولة


تقبل ودي

صح بدنك اخوي الغالي

شهادتك وسام على صدري

ودي وتقديري