شبة النار

[سالم العنزي]

المشاركة الأصلية كتبت بواسطة الخالدي

الله يعطيك العافيه ياسالم على هالموضوع الجميل

وهذه تكمله الابيات التي ذكرتها

ياما حلا عقب العصر شبة النار= في مجلس كل النشاما يجونه
يلفونة اكبار ويلفونه إصغار = من طيب من هو فيه ويقدرونه
في بيت ماحطوله أبواب واسوار = ذراه من صوف الغنم ينسجونه
وفية الدلال الصفر والعود يندار= والشاي في بريق حمر يشربونة
والطرش حوله على يمين ويسار= راتع ولا يبغي هله يتبعونه
والخلف عنده كثيرات وادرار= واللي يبي من درهن يطعمونه
والجو غايم والسما كلها امطار= والبرق يبرق والرعد يسمعونه
والصيد واجد والحباري لها اذكار= والفقع نابت والبدو يلقطونه
واليا اصبحو فطورهم خبز مجمار= مفروك من سمن الغنم يفركونه
هاذي طراة الروح لاصرت محتار= أخير من بيت هله يزلجونه

الله يعطيك العافيه يالخالدي

على تكملة هذه الابيات وبيض الله وجهك

شكرا لك