&& آطا على خشم الشعر &&

[عبدالله الثابت]

فواز الزناتي

ياهلا ويامرحبا


صح لسانك يامبدع

لقد سعدت كثيرا عندما شاهدت اسمك بيننا

لا هان من يسمع يا ثامـر ولا هنـت
يا مسندي .. يا محزمي .. يا غناتـي
جاني كـلام وفـي كلامـك تمعنـت
لا هـان رجـل ٍ بالحميّـا يحـاتـي
لكن يابن عمـي لـو إنـك تفطنـت
فينـي وتعرفنـي وتعـرف صفاتـي
دامي على درب الرجوله تمعدنت !!
صعب الذهب يصدى إذا صار ذاتـي
لا مـرّت الزينـه معاهـا تهيجنـت
وإن مرّت السيّه كمـا الريـح عاتـي
كم راس شيبته .. وكم راس جننـت
يخسون .. ما يرمون عنّـي عباتـي
وأنـا ابـدوي ٍ بالبـداوه تعربـنـت
وأسمـى طبـوع اليعربيّـه سماتـي
إن خوّن الخوّان .. وقفت مـا خنـت
وإن حاول يفرّق .. جمعت الشتاتـي
والدين أردّه كان .. دولار .. أو سنت
وأسمى الفعايل هي خلاصـة مناتـي
صغير سن .. وقاسي العظم ما لنـت
ركزة جبال طويق .. رمـز لثباتـي
رجيح عقـل .. وللجزيلـه تمكنـت
ماسك جزيل العلم .. مسكة عصاتـي
وأكبـر دليـل إنـي بعقلـي تفننـت
إسمع ثلاث بيوت .. خذها وصاتـي
آطا على خشم الشعر .. كاني أيقنـت
إنه يسبب لـي ردى .. فـي حياتـي
وكان الرجوله صارت بذلّـة البنـت
يحرم علي إنـي لاخاشـر خواتـي
وكان الردى مسلم .. كفرت وتشيطنت
وكان أعلن بكفره .. أبعلـن صلاتـي
وأبي ليامن مت .. وكلـي تطحّنـت
يبقى الذكر موجود .. عقب المماتـي
وأنا بكلامـك يابـن عمـي تمعنـت
وأسمع كلامي .. وأسمع الهرج آتـي
إن كان جاك العلم .. إني أنـا لنـت
ماني أنـا فـواز .. ولانـي زناتـي








تقبل تحياتي