احساس كـ الشعري في ورطة (كاتب الجعفري)

[كاتب الجعفري]

اهلا وسهلا اختنا الفاضله احساس قلم والشكر الجزيل لك على هذا الموضوع الرائع
ربما تتناسب هذه الاسئله مع شعراء النظم وتحرج شعراء المحاوره الذين على شاكلتي
حيث لا اعرف من النظم الا اسمه ولذلك جاءت اجوبتي على طريقة شعر المحاوره
لذلك ارجو العذر على القصور , وارحب بالجميع وبانتقاداتهم



المجموعة الاولى


1- هل لنا ان نعرف من هو كاتب الجعفري؟

انا مع الويلان شاعر مار مااحب المديح= الاسم كاتب والحموله يكفي اني جعفري

2-ماهي مهنتكـ؟

الفجراقوم وعندى طموح وآمال =ولا ارجع الا بعد وقت الظهيره
مهمتي قامت على صنع الاجيال= ومواكب التطوير في كل ديره
لو الوزاره نقصت لي كم ريال=يالله عسى فالامر خير وخيره

3-/ كلمة "الحب" كل شخص يعرفها بطريقته . فما تعريف كاتب لهذه الكلمة؟

الحب كلمه قليله في عداد الحروف= لكن تعدت معانيها حدود الكلام

4- لكل شاعر ملهمه سواء في بالواقع او الخيال . كيف يصف لنا الشاعر كاتب ملهمته (حبيته)؟

لاقابل الصف صف وصرت بين الصفوف=والناس يم البنيه لدت انظارها
نصمل على الموقف الغصاب دون الهنوف= اللي سببها المشاعر هاضت افكارها

5-هناكـ اشياء تستفز الرجال ماهوأكثر شيء يستفز االشاعر كاتب الجعفري؟

يضيق صدري ولو صدري من اول وسيع= اليا ادعى الطيب بين الناس رجلٍ ردي

6-شخص غآلي عليك..حمل أمتعته مسآفرآ...
مآذآ تقول له؟!!

ماني موادع ولاني معترف بالوداع= الوصل ماينقطع مادمت قيد الحياه

7-نفتقد كاتب في اكثر الاوقات وخصوصا في قسم المحاورات ,والكل يتساءل اين يكون,في هذه الغيبه؟

حضور والا غياب غياب والا حضور=المشكله كلها يا احساس ماهي هنا
احيان الاشغال تمنع كاتب من الظهور =والادمي في حياته بين شغل وعنا
و احيان اجي مندفع باحساس صدق وشعور= لكن ماالقى امامي واقف الا انا