{ مـوضـوع المليــ 1000000 ـون رد ,. ▒ همتكم ياأعضاءنا الكرام ،، - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 27/08/10, (12:17 AM)

ياطيور الحزن والمينا سكون وصمت نافر
أستجيرك بإنتظاري وبـ شواطيك الحزينـــه

بعثري هذا السكون وسكّني فيه الف عاثـر
لين يتساوى الرمل والبحر بعيون السفينه

ملّت الروح الثبات بكل شين الا الخناجـــر
تنغز واعود وانزعها وترجع لي سنينـــه؟

ياطيور الحزن ليت الحزن بـ عيوني واكابر
أغمض جفوني واقول أعمى يّدور من يعينه!

المصيبه كل يوم الحزن يكبر ويتكاثـــــر
كان في صدري سجين وصرت في صدره سجينه!

صرت أحس الكون هذا الكون كله صدر كافر
ضاق من كثر الذنوب .. ولا خجل تبت إدينه!

صرت اشك بكل شي .. الطيش .. وظلال المنابر
من بهم؟ يستاهل ان الروح تصبح له رهينــه

ياطيور الحزن مات الحلم .. والسلوان غادّّّّر
وانطفت نجمه امانينا وذبلت ياسمينـــــــه

وش يقول اللي فقد روحه ولا زار المقابــر
وش يقول اللي يحس ان السما تعشق انينه

غاب وغيابه خذا الدنيا من الدنيا وسافر
ماترك لي غير ذكرى (كلمه) وقسوة حنينه

كم رساله في الزجاج يشيلها الموج ويهاجر
تحمل ذكريات عالم ( مختلف ) مابيني وبينه

من بدايتنا من اول .. كلمه .. تهز المشاعر
لين ذاك اليوم اللي صار في جوفي غبينه

كنت أظنه مايبي باكر .. لان الحب حاضر!
مادريت انه قرا باكر .. وفرقاه اللعينـــــه..

ياطيور الحزن .. والمينا .. بلاد لكل عابــر
وين اروح ؟ وعالمي مذبوح واحلامي دفينه ؟