[[ خَفَايَا رُوْحْ تَعْبَانْهْ ]]

[أبو غرام]

في حفل إخوان الكريم والعزيز تركي صالح وسالم صالح

كانت لي هذه الابيات كمشاركه :

مبروك يامسلط وسلطان=طير السعد يمكم شدا
جينا ملبينِ للإخوان=ولمعانق اللي لكم بدا
طلق الوجيه أوفق الخلان=وربعٍ على الطيب تتعدا
في حفلكم نطرب القيفان=الجاش من شانكم ندا

الله يتمم حفلكم والتباشير=دعوة محبٍ صاغها في سطوره
يقطف جميل القاف واحلى التعابير=وينثر شذى زفراتها في حضوره
شاعر وجاشه ممتلي بالتصاوير=وبله .. طشاشه .. شد قوم وقصوره
تاقف مسامع منصته من بواتير=والى انتهى جادوا بصفقه و ثوره
ينبت لهم في عالي الفكر تنوير=ويمدهم بالنور من وهج نوره
في قاعةٍ ضمت حضور وطوابير=حراسها شاشوا على جال سوره
ترحابهم : أهلاً هلا .. بالمناعير=ومنزالهم : أهلاً هلا .. بالصقوره
منشانهم تسهل وتقصر مشاوير=والقاف يزهى في محاجر جهوره
الله يتمم حفلهم بالتباشير=دعوة محبٍ صاغها من شعوره
والله يجمّلنا على سرع تحضير=في ليلةٍ فيها المشاعر جسوره

وهم وخالقي إخوان عزيزين لإخوان عزيزين
أعتز وأفخر بمعرفتهم جميعاً