علي الساابل تفضل

[ماجد الغانم]

المشاركة الأصلية كتبت بواسطة فرحان بن نومس

مادام جهـز علـي سابـل معاميلـه
واقبل عليه يسـوق الكيـف بعنايـه
ياراس لاتنحرم مـن كيفـه الليلـه
اشرب من الكيف لاتجزيـه بقفايـه
من دلة/ن في يسـاره دوم توحيلـه
إنـه كريـم/ن ولايحتـاج لوصايـه
وفنجاله اللي يسوقه مانـي محيلـه
اباخـذه مـن يمينـه واتبـع رايـه
والا العتب ماعزف حولي مواويلـه
مبطي وماجد محطـم ياعلـي نايـه
وان كان برق/ن تخيلة دوك تحليلـة
سحابة الـود ماتنـوى لهـا جنايـة
وش يعني الغيـث لاهلـت هماليلـه
يروي ضما حيرتي ويبلـل شفايـة
انا طموحي معـك جلسـة وتعليلـه
وحولك قدوعي يابو مصعب ومركايه
مثلك نعزة ونفخـر فـي مواصيلـة
والاخوتك يارفيـع الشـان شرايـة
اقدرظـروف راع العـذر واويـلـه
واتجاهل اللي تجاهل لحظـة اندايـه
منهو يشرف مكاني جيـت ناصيلـة
مجبور/ن اجيه لوخارت بي أقوايـه
أقدرالطيـب باهـل الطيـب وكيلـه
ورد الوفا يابن عمي فينـي أهوايـه
عهدن قطعته على نفسـي وقاويلـه
ماخون عهدي ولوهو باشرس اعدايه
ومثلك نشوفة مميز عن طبع جيلـة
مادمت من روس قوم/ن فيهم كفايـه
جعافره مجدهم محدن قـوى يزيلـه
وتاريخهم مايبي يالصاحـب ادعايـه
كم من هبيل/ن خذاله شيـخ يفتيلـة
من شان يقطع شعور الشك بقرايـه
غريب هالوقـت ماتفهـم تفاصيلـة
واللي يغني يبـي ال تحريمتـه آيـه
ماكـل حلـم يشوفـه جـاه تأويلـة
من فسر الحلم ماهو مـدرك الغايـه
اطغاث احلام كيف النـاس توحيلـة
اعطيتك العلم واحفظ نـص فتوايـه








الاخ والشاعر ماجد بيض الله وجهك قصيده شامخه من راس شامخ


جزل والشاعر على يستاهل

رد الجميل شكرا لابداعتكم


ولكم منى الاحترام

الغالي

فرحان بن نومس

اهلأً بك اخي

وتشرفت بمرورك واشادتك

دمت بكل خير ..ودام هذا التواصل